Mateo 13:3 - Lalang Hu Dios

³ Dayun madakel sa mga intudlù din kandan pinaagi hu mga pananglitan ha tagyanaen, “Amin etaw ha duminiyà ta uma hu pagpamegas.

Mateo 13:3 Referans Kwoze

Marcos 4:13

Inikagiyan hi Jesus sa mga tinun-an din, “Hurà nuy ba diay kasabut haena sa pananglitan? In-inuwen nuy sa pagpakasabut hu duma ha mga pananglitan?

Marcos 4:33

Pinaagi hu madakel ha mga sanglitanan sa lalang hu Dios inikagi hi Jesus diyà ta kandan sumalà hu agkasabut dan.

Mateo 13:53

Su mapengahan hi Jesus ikagiya sa mga pananglitan luminikù duun hu kandin ha banuwa daw migtudlù duun hu simbahan. Ba sa nakapaliman kandin tungkay nangabeleng, kagi dan, “Sin-u gid sa migtudlù kandin daw imbà pakahimu hu mga belenganen?

Marcos 12:12

Dayun nan-ahà sa mga agalen hu paagi hu pagdakep ki Jesus ta natun-an dan ha iyan en sidan tagsubayen ku sanglitanan. Ba nahaldek daan sidan hu kaet-etawan aman inawaan dan haena.

Juan 16:25

“Sa pagtudlù ku inyu iman pinaagi dà hu mga pananglitan, ba makauma sa panahun ha harì ad en gumamit hu mga pananglitan ta mapayag en sa pag-ikagi ku mahitenged hu Dios ha Amay ku.

Lucas 12:41

Nanginginsà si Pedro, “Ginuu, iyan kay dà ba tag-ikagiyan nu hu pananglitan daw ku para ba haini hu alan?”

Lucas 8:10

Dayun tuminubag haena, “Sa inlilung su anay mahitenged hu pagharì hu Dios impadayag en inyu. Ba sa duma ha mga etaw inikagiyan ku pinaagi hu mga pananglitan ta daw, ‘Bisan ku mag-ahà sidan ba harì makaindan, daw magpaliliman daan sidan ba harì makasabut.’

Marcos 12:1

Minikagi si Jesus pinaagi hu mga sanglitanan ha tagyanaen, “Amin etaw ha amin din uma ha pinamulahan din hu paras. Linibut din haena hu alad daw migbangbang hu pangemesà hu mga bunga daw miglawig daan hu timaay taena ha mga tag-alima duun. Dayun pinaalimahan din haena daw pahiphipanaw duun hu madiyù ha banuwa.

Marcos 3:23

Inamul-amul hi Jesus sa mga etaw daw ikagiyi pinaagi hu mga pananglitan ha tagyanaen, “In-inuwen man hu pagbugaw hi Satanas hu duma din ha busaw?

Mateo 24:32

“Timan-i nuy haini sa igtudlù ku inyu mahitenged hu kayu ha igira. Ku manalingsing en haena daw lumabung en matun-an nuy ha madani en sa gulabung.

Mateo 22:1

Si Jesus duminayun minikagi duun hu mga etaw pinaagi hu mga pananglitan ha tagyanaen,

Mateo 13:4

Su isawed din haena sa binhì amin diyà dà nakatanà ta dalan aman pinanukà hu mga tagbis.