Mateo 12:7 - Lalang Hu Dios

⁷ Sa lalang hu Dios tagyanaen, ‘Magmahid-uwen kaw hu mga duma nuy ta iyan haini tungkayan ku agkabayaan dì hu mga halad nuy.’ Ku natun-an nuy pa ngaay haena harì kaw ngaay maghukum hu mga etaw ha hurà din salà.

Mateo 12:7 Referans Kwoze

Mateo 9:13

Susiyen nuy ku inu sa kahulugan hu lalang hu Dios ha tagyanaen, ‘Magmahid-uwen kaw hu mga duma nuy ta iyan haini tungkay ku agkabayaan dì hu mga halad nuy.’ Ta sa pagdini ku kenà para hu mga matareng en ba sa tuyù ku iyan sa mga makasasalà.”

Mga Buhat 13:27

Ba sa mga Judio diyà ta Jerusalem daw sa mga agalen hurà dan kakilala si Jesus ha iyan diay sinugù hu Dios, ba pinaagi hu kahukumi dan kandin hu kamatayen natuman dan sa insulat hu mga prupita ha tagbasahen kada Sabadu.

Mateo 22:29

Ba inikagiyan sidan hi Jesus, “Maal en sa tag-ikagiyen nuy tumenged ta hurà nuy katun-i sa insulat ha lalang hu Dios daw sa pagkagamhanan din.

Santiago 5:6

Hinukuman nuy daw hinimatayan nuy sa matareng ha mga etaw ha hurà gayed sukul inyu.

Marcos 12:33

Sa pagpalanggà taw hu Dios daw sa pagpalanggà hu mga duma taw iling hu pagpalanggà hu kaugalingen taw labaw pa dì hu nasunug ha mananap ha inhalad daw hu duma pa.”