Marcos 9:23 - Lalang Hu Dios

²³ Si Jesus minikagi, “Sumalà ikaw ta sa alan agkahimu hu etaw ha amin din gayed pagtuu.”

Marcos 9:23 Referans Kwoze

Juan 11:40

Dayun tuminubag si Jesus, “Dì ba inikagi kud ikaw ha ku tumuu ka maahà nu sa pagkagamhanan hu Dios?”

Hebreo 11:6

Sa etaw ha hurà din pagtuu harì gayed pakapabayà-bayà hu Dios, ta saena ha ag-ubay diyà ta kandin kinahanglan ha tumuu gayed ha amin Dios daw balesan din haena sa tagpan-ahà kandin.

Marcos 11:23

Laus gayed sa ag-ikagiyen ku inyu ha bisan sin-u sa umikagi tayana ha bubungan, ‘Agbul ka diyà ta dagat’ daw harì magduwa-duwa saena mahimu gayed.

Mateo 17:20

Tuminubag si Jesus, “Hurà nuy haena kabugaw ta kulang gayed sa pagtuu nuy. Laus gayed sa ag-ikagiyen ku inyu ha ku sa pagtuu nuy iling dà kaatiyù hu lisu hu mustasa mahimu en ha suguen nuy hayana sa bubungan ha humalin diyà ta alug na makahalin gayed. Hurà gayed harì nuy mahimu.

Lucas 17:6

Ba inikagiyan sidan hi Jesus, “Ku sa pagtuu nuy iling dà kaatiyù hu lisu hu mustasa mahimu en ha suguen nuy hayana sa adagi ha kayu ha humalin diyà ta dagat na makahalin gayed.

Mga Buhat 14:9

saena migpaliliman gayed hu pagpanunultul hi Pablo. Dayun inahà haena hi Pablo daw natun-an din ha amin gayed pagtuu taena ha etaw ta daw maulian.

Marcos 9:22

Kapila en hayana ipaagbul hu busaw duun hu hapuy daw duun hu wahig ta daw mapatay din. Ba ku mabaluy nu ngaay kahid-uwi kay daw buligi kay ikaw.”

Marcos 9:24

Sagunà migpakiluuy su amay taena ha batà hu kagi, “Agtuu a gayed aman buligi a ikaw ha maisaban sa pagtuu ku.”

Mateo 14:29

Tuminubag si Jesus, “Dumini kad en.” Aman uminawà si Pedro duun taena ha barutu daw hipanaw diyà ta wahig payanaen ki Jesus.