Marcos 9:17 - Lalang Hu Dios

¹⁷ Amin etaw ha tuminubag kandin ha tagyanaen, “Manunudlù, inuwit ku su batà ku dini ta ikaw ta tinaguan hu busaw ha pakaemaw.

Marcos 9:17 Referans Kwoze

Lucas 11:14

Amin panahun ha binugaw hi Jesus sa busaw ha pakapaemaw hu etaw. Su umawà en haena sa busaw nakaikagi dayun su etaw aman nangabeleng sa kaet-etawan.

Marcos 9:25

Su maahà hi Jesus ha ag-agpas en diyà ta kandan sa madakel tungkay ha mga etaw binaldeng din su busaw ha tagyanaen, “Sikaw sa pakaemaw daw pakabengel ha busaw, awà ka diyan daw harì kad en aglikù.”

Juan 4:47

Su mapaliman ku upisyal ha nakauma si Jesus diyà ta Galilea sa napuun ta Judea inelegan din si Jesus daw hangyua ha dumiyà ta Capernaum ta daw mabulungan din su batà ha apit en agpatay.

Lucas 9:38

Amin diyà etaw ha nangumaw, “Ginuu, kahid-uwi sa batà ku ha maama ta sabubuwa dà haini.

Marcos 10:13

Amin mga etaw diyà ha mig-uwit hu mga atiyuay pa ha mga batà ta daw madampà hi Jesus, ba binaldeng sidan hu mga tinun-an din.

Marcos 7:26

Su bahi Griego ha etaw ha imbatà diyà ta Fenice ha sakup ta Siria. Pinagayukan din si Jesus ha bugawen taena su busaw duun ku laga-laga.

Marcos 5:23

daw minagayuk ha tagyanaen, “Sa laga-laga ku agpatay en aman dumiyà ka daw dampaa ta daw maulian.”

Mateo 17:15

ha minikagi, “Ginuu, kahid-uwi sa batà ku ha maama ta agkabidbid daw tag-antus gayed. Kapila en makaagbul duun hu hapuy daw duun hu wahig.

Mateo 12:22

Amin etaw ha nabuta daw naemaw tumenged ta tinaguan hu busaw saena inuwit hu mga etaw diyà ki Jesus. Naulian din haena aman sagunà nakaindan daw nakaikagi.

Mateo 9:32

Su maipus en su nakaindan ha mga buta amin daan etaw ha naemaw tumenged ta tinaguan hu busaw, saena inuwit hu mga etaw diyà ki Jesus.

Marcos 9:16

Dayun ininsaan hi Jesus su mga tinun-an din, “Inu man sa pigsawalaan nuy taena ha mga manunudlù hu Kasuguan?”

Marcos 9:18

Kada dumiyà sa busaw ta kandin agpakadaghà haini diyà ta bugtà. Tagbulà-bulà sa bàbà din daw tagkangget daan sa mga ngipen din daw agkabidbid. Hinangyù kud sa mga tinun-an nu ha ipaguwà dan su busaw ba hurà dan gayed kahimu.”