Marcos 8:31 - Lalang Hu Dios

³¹ Tinudluan hi Jesus sa mga tinun-an din ha kinahanglan ha sa Batà hu Etaw mag-antus hu madakel ha mga pasipala daw pagtameyesen hu mga magulang daw hu mga labaw ha sinaligan hu paghalad daw hu mga manunudlù hu Kasuguan, daw kinahanglan daan ha pahimatayan dan gayed ba duun hu ikatulu ha aldaw mabanhaw dà.

Marcos 8:31 Referans Kwoze

Mga Buhat 7:35

“Si Moises iyan su insalikway su anay hu mga duma din ha kaliwat hi Israel ta inikagiyan dan, ‘Sin-u sa migbuhat ikaw ha agalen daw maghuhukum day?’ Iyan sinugù hu Dios ha mangulu hu mga etaw ta daw malibri sidan pinaagi hu pagbulig taena ha balinsuguen hu Dios ha huminiwal duun ku sampinit ha tagkalegdeg.

Juan 2:19

Tuminubag si Jesus, “Kagasa nuy haini sa timplu ta agbalayen ku dà duun hu tatulu ha aldaw.”

Lucas 24:26

Kenà ba kinahanglan ha su Misiyas makaagi hu mga alantusen daw human magharì?”

Lucas 17:25

Ba sa harì pa haena makauma amin pa madakel ha mga alantusen ku daw pagtameyesen a hu mga etaw.

Marcos 12:10

Hurà nuy ba kabasa sa lalang hu Dios ha tagyanaen, ‘Sa batu ha bà dà inlambeg ta abi hu mga tagbalay ha hurà din pulus iyan diay mahinengdanen ta iyan man pakapalig-en hu balay.

Mateo 21:42

Inikagiyan sidan hi Jesus, “Hurà nuy ba kabasa sa lalang hu Dios ha tagyanaen, ‘Sa batu ha bà dà inlambeg ta abi hu mga tagbalay ha hurà din pulus iyan man diay mahinengdanen ta iyan pakapalig-en hu balay. Belenganen gayed haena ta iyan sa Dios migbuhat duun.’

Mateo 12:40

ta si Jonas linam-ed hu adagi ha sedà ba duun hu tatulu ha aldaw imbula dà. Siak sa Batà hu Etaw makaduun a daan hu alima hu kamatayen ba sugud taena payanaen hu tatulu ha aldaw mabanhaw a dà.

1 Corinto 15:4

daw inlebeng haena ba duun hu ikatulu ha aldaw nabanhaw dà sumalà hu insulat ha lalang hu Dios.

Lucas 24:44

Inikagiyan din sidan, “Iyan en haini inikagi ku inyu su anay ha tagduma-dumahà kuy ha kinahanglan matuman gayed sa alan ha nakasulat mahitenged kanak duun hu Kasuguan hi Moises daw hu mga insulat hu prupita daw duun hu mga Salmo.”

Juan 12:48

Bisan sin-u sa harì agdawat kanak daw harì agtuman hu mga lalang ku mahukuman duun hu katapusan ha aldaw. Sa ihukum kandin iyan sa mga lalang ku ha hurà din tumana.

Mateo 27:63

hu kagi dan, “Natiman-an day sa inikagi taena ha limbungan su bubuhay pa ha mabanhaw dà kun ku maiwas sa tatulu ha aldaw.