Marcos 7:34 - Lalang Hu Dios

³⁴ Huminangad si Jesus diyà ta langit daw gahinawa hu madalem dayun minikagi, “Ipata” ha tagkahulugan, “Mapuwaan.”

Marcos 7:34 Referans Kwoze

Juan 11:41

Aman inawà dan su batu ha in-ipel ku lebeng. Dayun huminangad si Jesus diyà ta langit sa mig-ampù, “Amay ku, tagpasalamat a ikaw ta migpaliliman ka kanak.

Marcos 6:41

Tinimù hi Jesus su lalima ha supas daw su daruwa ha sedà dayun huminangad diyà ta langit daw ampui haena. Su makapenga en mag-ampù pinangebing din su supas daw sugua su mga tinun-an din ha ipakaen haena hu mga etaw. Iling daan ku daruwa ha sedà.

Marcos 5:41

Su makaseled sidan inibitan hi Jesus sa alima ku batà daw ikagiyi, “Tabita kumi” ha tagkahulugan, “Sikaw sa batà, bangun kad.”

Mga Buhat 9:34

Inikagiyan haena hi Pedro, “Eneas, bangun kad en daw luluna sa banig nu ta maulian ka hi Cristo Jesus.” Sagunà haena migbangun.

Juan 11:33

Su maahà hi Jesus si Maria daw sa mga Judio ha duminuma kandin ha tag-agalà suminakit daan sa gahinawa din,

Marcos 15:34

Su agkabalalay en sa aldaw nangulahì si Jesus hu madaging ha tagyanaen, “Eli, Eli, lama sabaktani?” ha tagkahulugan, “Dios ku, imbà a ikaw bay-ani?”

Marcos 8:12

Miggahinawa si Jesus hu madalem daw ikagi, “Imbà kaw tagpan-ahà hu belenganen? Laus gayed sa ag-ikagiyen ku inyu ha iman harì kaw gayed makaahà hu belenganen.”

Mga Buhat 9:40

Ba impaguwà sidan hi Pedro dayun luminuhud haena hu pag-ampù. Sumininalu duun ku minatay daw ikagi, “Tabita, bangun ka.” Guminimata si Dorcas na su maahà din si Pedro mininuu dayun.

Juan 11:43

Su makapenga en haena mag-ampù uminikagi hu madaging, “Lazaro, guwà ka duun tayan.”

Hebreo 4:15

Maluluy-en haini ta natun-an din sa kaluya taw tumenged ta nakaagi daan hu bisan inu ha panulay iling kanuy, ba hurà gayed hu kandin makasalà.

Juan 17:1

Su makapenga mikagi si Jesus huminangad haena diyà ta langit daw mig-ampù ha tagyanaen, “Amay ku, iyan en haini su natugun ha panahun. Dayeen a sa Batà nu ta daw madayè ku daan ikaw

Juan 11:38

Su tagduun en si Jesus ku linebengan ki Lazaro suminakit en paman sa gahinawa din. Sabuwa ha liyang su lebeng daw inipelan hu batu

Juan 11:35

Dayun nakaagalà si Jesus.

Lucas 19:41

Su matan-aw hi Jesus sa banuwa ta Jerusalem inagalaan din haena

Lucas 18:42

Minikagi si Jesus diyà ta kandin, “Makaindan kad ta sa ingkaulii nu iyan sa pagsalig nu kanak.”

Lucas 7:14

Dayun inubayan din haena sa lungun daw ibiti aman nakataleen su taglanting duun. Minikagi si Jesus, “Bangun kad.”

Marcos 1:41

Nahid-uwan haena hi Jesus aman dinampà din su sanglahen daw ikagiyi, “Agkabayà a aman maulian ka.”

Marcos 7:35

Sagunà nakapaliman su bengel daw maayad en daan sa pag-ikagi din.