Marcos 5:40 - Lalang Hu Dios

⁴⁰ Ba bà dan dà agkapatawahi si Jesus. Su ipaguwà sidan hi Jesus duun taena ha balay dinuma din sa mga laas taena ha batà daw su tatulu ha tinun-an din, daw sumineled sidan duun ku inugsakan taena ha batà.

Marcos 5:40 Referans Kwoze

Mga Buhat 17:32

Su mapaliman dan haena sa inikagi hi Pablo mahitenged hu pagkabanhaw sa duma kandan bà dà migtameyes. Ba sa duma migyanaen, “Agkabayà kay dà agpaliliman ikaw aman likù ka asem dini.”

Lucas 16:14

Sa mga Parisiyu ha balimbayaen dan sa salapì bà dà migpatawahà su mapaliman dan haena sa inikagi hi Jesus.

Mateo 7:6

“Harì nuy iila duun hu mga asu sa mga butang hu Dios ta bà kaw dà taena kagata, daw harì nuy daan iglambeg sa mahalen ha pirlas duun hu mga babuy ta bà dan dà haena takunai.

Mateo 15:11

Sa igpakasalà hu etaw kenà iyan sa agkangakaen din ba iyan sa mga madaet ha lalang ha aggawas duun hu bàbà din.”

Marcos 5:39

Sumineled si Jesus duun taena ha balay daw uminikagi, “Imbà kaw agkangasamuk daw tag-agalaay? Saini ha batà hurà patay ba bà dà tagtiduga.”

Marcos 5:41

Su makaseled sidan inibitan hi Jesus sa alima ku batà daw ikagiyi, “Tabita kumi” ha tagkahulugan, “Sikaw sa batà, bangun kad.”