Marcos 15:6 - Lalang Hu Dios

⁶ Ku agsaulugen sa Aldaw hu Paglabay iyan naanadan hi Pilato sa amin sabuwa ha prisu ha aglibriyen din sumalà hu agpanayuen hu mga etaw.

Marcos 15:6 Referans Kwoze

Mga Buhat 25:9

Ba tumenged ta agkabayà man si Festo ha mabayà-bayà sa mga Judio ininsaan din si Pablo, “Kabayà ka ba ku dumiyà ki ta Jerusalem daw diyà ku ikaw hukumi taini ha mga sumbung ikaw?”

Mga Buhat 24:27

Su maiwas en sa daruwa ha tuig si Felix nailisan hi Porcio Festo. Tumenged ta agkabayà si Felix ha mabayà-bayà gayed sa mga Judio hurà din ipaguwà si Pablo diyà ta prisuhan.

Mateo 26:5

Ba minikagi sidan, “Harì taw dakepen duun hu pagsaulug ta kan ku magubut sa mga etaw.”

Mateo 26:2

“Natun-an nuy ha makaduwa iman iyan en pagsaulug hu Aldaw hu Paglabay daw siak sa Batà hu Etaw itugyan a duun hu mga etaw ta daw makalansang a kandan duun hu krus.”

Juan 19:16

Dayun intugyan hi Pilato si Jesus diyà ta kandan ta daw makalansang dan duun hu krus.

Marcos 15:7

Duun taena ha panahun amin naprisu tumenged hu pagsupak dan hu gubirnu. Sa sabuwa kandan iyan si Barabas ha nakapatay su panahun ha samuken dan sa banuwa.

Juan 18:16

Ba si Pedro diyà dà nataman ta pultahan. Su tinun-an ha nakilala hu tungkay labaw ha sinaligan hu paghalad nakiglalang duun ku bahi ha tagbantay diyà ta pultahan dayun impaseled din daan si Pedro.