Marcos 13:23 - Lalang Hu Dios

²³ Aman magbantay kaw gayed ta daan kud en haini inikagi inyu.

Marcos 13:23 Referans Kwoze

2 Pedro 3:17

Aman pinalanggà ku ha mga suled, tumenged ta natun-an nuy en haini magbantay kaw gayed ha harì kaw mauwit hu mga bidù taini ha mga masinupaken ha manunudlù daw harì kaw malaag duun hu laus ha pagtuu.

Juan 14:29

Daan kud en haena inikagi ta daw ku matuman en asem makatuu kaw gayed.

Lucas 21:8

Tuminubag si Jesus, “Magbantay kaw ta daw harì kaw malimbungan hu bisan sin-u ta madakel asem sa makadini ha mag-ikagi, ‘Iyan a su Misiyas’ daw mag-ikagi daan, ‘Ubay en sa katapusan hu panahun.’ Ba harì kaw gayed agsunud kandan.

Marcos 13:5

Inikagiyan sidan hi Jesus, “Magbantay kaw ta daw harì kaw malimbungan hu bisan sin-u.

Lucas 21:34

“Magbantay kaw gayed ha harì kaw bà dà kasamuk hu pagtimà nuy duun taini ha kalibutan daw harì kaw bà dà magpasibelengà ta tigkan makauma sa Aldaw hu Paghukum iling hu lit-ag.

Marcos 13:33

Aman magbantay kaw gayed ta harì nuy agkatun-an sa panahun ku kan-u a aglikù.

Marcos 13:9

“Aman kinahanglan ha magbantay kaw gayed ta itugyan kaw asem duun hu maghukum inyu daw lagkutan kaw pa gayed duun hu mga simbahan. Ipaatubang kaw daan kandan duun hu mga gubirnadur daw mga harì tumenged hu pagtuu nuy kanak, ba iyan haena paagi ha matultul a inyu diyà ta kandan.

Mateo 7:15

“Mag-andam kaw hu mga manunudlù ha biduen ta saena dumiyan ta inyu ha bà su mga tumutuu ba sa mga tigtudlù dan makadaet inyu.

Mateo 24:25

Timan-an nuy ta daan kud en haini ag-ikagiyen inyu.

Marcos 13:22

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Marcos 13:24

“Ku maiwas en haena sa pinakahaluhaldek ha kasamukan sumukilem sa aldaw daw harì en daan umanlag sa bulan,