Marcos 1:41 - Lalang Hu Dios

⁴¹ Nahid-uwan haena hi Jesus aman dinampà din su sanglahen daw ikagiyi, “Agkabayà a aman maulian ka.”

Marcos 1:41 Referans Kwoze

Mateo 9:36

Su maahà din sa kaet-etawan nahid-uwan din gayed sidan ta agkailing sidan hu mga karniru ha agkangasamuk daw tagkangalaag ta hurà duun magbalantay.

Hebreo 4:15

Maluluy-en haini ta natun-an din sa kaluya taw tumenged ta nakaagi daan hu bisan inu ha panulay iling kanuy, ba hurà gayed hu kandin makasalà.

Hebreo 2:17

Aman si Jesus migpakaetaw gayed ta kinahanglan ha makaagi hu bisan inu ha alantusen ta daw, mabuhat ha maluluy-en daw matinumanen, tungkay labaw ha sinaligan hu mga etaw duun hu Dios, daw mapalas din sa mga salà hu kaet-etawan.

Marcos 6:34

Su kumawas en si Jesus duun ku barutu naahà din sa madakel tungkay ha mga etaw aman nahid-uwan din gayed sidan ta agkailing sidan hu mga karniru ha hurà duun magbalantay. Dayun tinudluan din sidan hu madakel ha mga katudluanan.

Hebreo 1:3

Sa pagpangaluanlag hu Dios impadayag pinaagi hu Batà din ta iling dà gayed sidan, daw iyan sa Batà din tagbayà hu alan ha tinanghagà pinaagi hu gahem hu pag-ikagi din. Su mapalas din en sa mga salà hu kaet-etawan pinaagi hu kamatayen din, luminikù diyà ta langit daw duun mininuu hu kawanan hu Dios ha gamhanan.

Marcos 5:41

Su makaseled sidan inibitan hi Jesus sa alima ku batà daw ikagiyi, “Tabita kumi” ha tagkahulugan, “Sikaw sa batà, bangun kad.”

Marcos 4:39

Migbangun si Jesus daw baldenga sa kalamag daw mga baled aman sagunà migleneng.

Marcos 1:40

Amin sanglahen ha luminuhud diyà ki Jesus daw huminangyù, “Ku mabayà ka ngaay bulungen a ikaw taini ha mahugaw ha dalu ku.”

Marcos 1:42

Sagunà haena naulian.