Lucas 9:45 - Lalang Hu Dios

⁴⁵ Ba hurà dan katun-i sa kahulugan taena ha inikagi din ta inheles haena kandan ta daw harì dan pa masabut, daw nahaldek daan sidan hu pagpanginginsà ki Jesus mahitenged taena.

Lucas 9:45 Referans Kwoze

Lucas 18:34

Hurà gayed kasabut hu mga tinun-an din haena sa inikagi hi Jesus ta sa kahulugan taena nakalilung diyà ta kandan aman hurà dan katun-i ku inu sa tagsubayen din.

Juan 12:16

Duun taena ha panahun hurà katun-i hu mga tinun-an din sa kahulugan taena ha tagnà. Ba su lumikù en si Jesus diyà ta langit human dan natun-i ha saena ha insulat mahitenged man diay kandin daw natuman haena diyà ta kandin.

Lucas 2:50

Ba hurà dan kasabut sa kahulugan taena ha inikagi hi Jesus.

Marcos 9:32

Ba hurà dan kasabut sa kahulugan taena ha inikagi din daw nahaldek daan sidan hu pagpanginginsà kandin mahitenged taena.

Juan 14:5

Ba si Tomas minikagi diyà ta kandin, “Ginuu, harì day agkatun-an ku hindu ka agpayanaen aman in-inuwen man ha matulen day sa dalan payanaen duun taena?”

Juan 12:34

Su mga etaw uminikagi, “Natun-an taw pinaagi hu Kasuguan taw ha harì gayed matay su Misiyas, aman imbà nu kaikagi ha kinahanglan ha ipatangkaw sa Batà hu Etaw duun hu kayu? Sin-u haini sa Batà hu Etaw?”

Marcos 9:10

Pigtiman-an dan gayed haena daw miglalang-lalang sidan ku inu sa kahulugan taena ha pagkabanhaw hu minatay.

Mateo 16:22

Inubayan hi Pedro si Jesus daw baldenga, kagi din, “Ginuu, harì hayan mahitabù ikaw.”

Lucas 9:46

Migsawalà sa mga tinun-an hi Jesus ku sin-u sa labaw kandan.

Mateo 17:22

Su panahun ha naamul si Jesus daw sa mga tinun-an din diyà ta Galilea inikagiyan sidan hi Jesus, “Siak sa Batà hu Etaw laus ad en itugyan duun hu aghimatay kanak ba duun hu ikatulu ha aldaw mabanhaw a dà.” Tumenged taena nangaguul sa mga tinun-an hi Jesus.

Juan 4:33

Aman migpainsaay sa mga tinun-an din, “Amin gid mig-ila kandin hu kalan-enen.”