Lucas 7:16 - Lalang Hu Dios

¹⁶ Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Lucas 7:16 Referans Kwoze

Lucas 7:39

Su maahà haena ku Parisiyu ha mig-imbita ki Jesus nakahenà-henà haena, “Ku laus pa haini ha prupita matun-an din en ngaay ha makasasalà gayed haini sa bahi ha mig-ibit kandin.”

Mateo 9:8

Su maahà haena hu mga etaw tungkay sidan nangabeleng daw dinayè dan sa Dios tumenged ta in-ila din ki Jesus sa kagahem ha iling taena.

Lucas 1:68

“Dayeen gayed sa Dios ha Magbabayà taw sikuy sa mga kaliwatan hi Israel ta duminini hu paglibri kanuy.

Lucas 5:26

Sa alan ha mga etaw nangabeleng daw dinayè dan daan sa Dios, “Belenganen gayed sa naahà taw iman.”

Lucas 2:20

Naman-ulì su mga magbalantay hu karniru ha tagdayè hu Dios ta sa inikagi kandan hu balinsuguen natuman gayed.

Lucas 1:65

Nangabeleng gayed su mga silingan din daw saini ha tultulanen nakalekep duun hu kaet-etawan duun hu mga buntud ha sakup ta Judea.

Mateo 21:11

Tuminubag haena sa namanduma ki Jesus, “Iyan en haini si Jesus ha prupita ha diyà napuun ta Nazareth ha sakup ta Galilea.”

Mateo 15:31

Su maahà haena hu mga etaw tungkay sidan nangabeleng ta pakaikagi en su emaw daw pakahipanaw en daan su pigket, pakaindan en su buta daw naulian daan su piang. Aman dinayè dan sa Dios ha iyan Dios hu kaliwatan hi Israel.

Galacia 1:24

Aman pigdayè dan sa Dios tumenged kanak.

Mga Buhat 5:5

Su mapaliman haena hi Ananias sagunà nabantang dayun minatay. Sa alan ha nakapaliman taena ha naul-ulahan nahaldek gayed.

Juan 9:17

Dayun inisaban dan ininsaan su nakaindan, “Inu sa maikagi nu mahitenged taena ha migbulung hu mata nu?” Tuminubag haena, “Iyan en gayed haena prupita.”

Juan 6:14

Su maahà hu mga etaw haena sa belenganen ha binuhat hi Jesus minikagi sidan, “Iyan en gayed hayan su tagsalapen taw ha Prupita ha igpadini ta kalibutan.”

Juan 4:19

Nakaikagi su bahi, “Iyan kad en gayed su prupita.

Juan 1:25

nanginginsà, “Ku kenà ka iyan su Misiyas daw ku kenà ka daan iyan si Elias daw saena ha tagsalapen day ha Prupita, imbà nu agpamautismuwi sa mga etaw?”

Juan 1:21

Aman nanginginsà sidan, “Sin-u ka diay? Iyan kad en ba si Elias ha prupita?” Ba tuminubag si Juan, “Kenà a iyan.” Minisab sidan nanginginsà, “Iyan kad en ba su tagsalapen day ha Prupita?” Tuminubag gihapun si Juan, “Kenà a daan iyan.”

Lucas 24:19

Nanginginsà si Jesus, “Inu man diay sa nahitabù?” Saena inikagiyan dan, “Mahitenged ki Jesus ha taga-Nazareth sa sabuwa ha prupita daw tinuuwan hu mga etaw tumenged hu belenganen ha binuhat din daw hu mga pagtudlù din ha amin duun gahem.

Lucas 9:19

Tuminubag sidan, “Sa duma tag-ikagi ha iyan ka kun si Juan Ha Tagpamautismu daw sa duma tag-ikagi daan ha iyan ka kun si Elias, sa duma tag-ikagi ha sabuwa ka duun hu mga prupita su anay ha nabanhaw.”

Lucas 8:37

Ba su mga etaw ha nangapuun duun hu mga banuwa ha ubay ta Gadara huminangyù ki Jesus ha umawà diyà ta kandan ta agkahaldekan gayed sidan. Aman luminulan si Jesus hu barutu ta ag-awà diyà.

Lucas 5:8

Su maahà hi Simon Pedro su nahitabù luminuhud diyà ta atubangan hi Jesus daw ikagi, “Awà ka dini ta kanak, Ginuu, ta makasasalà a gayed.”

Mateo 28:8

Su mga bahi nangahaldek ba adagi daan sa kalipay dan, aman inawaan dan su lebeng daw pulalaguy ta agtultulan dan sa mga tinun-an hi Jesus.

Mga Buhat 7:37

Iyan si Moises su mig-ikagi duun hu mga kaliwatan hi Israel, ‘Amin sabuwa ha prupita ha humiwal duun hu mga kaliwatan nuy ha suguen hu Dios iling hu pagsugua din kanak.’

Lucas 19:44

Panhimatayan kaw kandan daw sa mga batà nuy daw pandaeten dan sa alan ha mga balay nuy tumenged ta hurà nuy kakilala sa Ginuu ha migdini hu pagluwas inyu.”

Lucas 7:15

Migbangun haena sa minatay ha tag-ikagi en, dayun indiyà hi Jesus ki Inay din.