Lucas 4:41 - Lalang Hu Dios

⁴¹ Amin daan madakel ha mga busaw ha namangguwà duun hu mga etaw ha tagkulahiay hu kagi dan, “Iyan ka gayed Batà hu Dios.” Ba binaldeng sidan hi Jesus ha harì mag-ikagiyà ta nakilala dan en ha si Jesus iyan su Misiyas.

Lucas 4:41 Referans Kwoze

Marcos 1:34

dayun naulian hi Jesus sa madakel ha hurà mag-iiling man sa mga dalu dan. Pinamugaw din daan sa mga busaw ba binaldeng din sidan ha harì mag-ikagiyà ta nakakilala en sidan kandin.

Santiago 2:19

Ku agtuu ka ha sa Dios sabuwa dà laus hayan, ba kenà pa hustu ha pagtuu ta bisan sa mga busaw agtuu daan daw aghugdunan sidan hu kahaldek dan.

Juan 20:31

Ba insulat haini ta daw makatuu kaw ha si Jesus iyan su Misiyas ha Batà hu Dios, daw pinaagi hu pagtuu nuy kandin mailahan kaw gayed hu kinabuhì ha hurà din katapusan.

Marcos 3:11

Su maahà haena hu mga etaw ha tinaguan hu busaw namanluhud sidan duun hu atubangan din daw namangulahì, “Iyan ka gayed Batà hu Dios.”

Mateo 4:3

Dayun si Jesus inubayan hu Manunulay daw ikagiyi, “Ku Batà ka hu Dios ikagiyi haini sa mga batu ha mabuhat ha supas.”

Mateo 26:63

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Duun hu atubangan hu Dios ha bubuhay ipanumpà nu daw ikagiyi kay ku iyan kad ba su Misiyas ha Batà hu Dios.”

Mateo 8:29

nakapangulahì sidan ha tagyanaen, “Inu sa labet nu kanay sikaw sa Batà hu Dios? Agpasipalahan kay ba ikaw iman bisan ku kenà pa haini panahun?”

Marcos 1:25

Ba binaldeng haena hi Jesus hu kagi din, “Hagteng ka daw awà ka diyan tayan.”

Mateo 8:4

Dayun inikagiyan hi Jesus, “Harì ka manunultul hu bisan sin-u ba dumuun ka taena ha sinaligan hu paghalad ta daw masusi din ha naulian kad en. Maghalad ka sumalà hu Kasuguan hi Moises ta daw malimpyuwan ka daw matun-an hu mga etaw ha naulian kad en.”

Mateo 8:16

Su madani en agpanukilem pinan-uwit hu mga etaw diyà ki Jesus sa mga pinanaguan en hu busaw, aman pinamugaw din sa mga busaw pinaagi hu mga lalang din daw naulian daan sa alan ha agkangadaluwan.

Marcos 1:32

Su madani en agpanukilem pinan-uwit hu mga etaw diyà ki Jesus sa alan ha agkangadaluwan daw sa pigtaguan en hu busaw.

Lucas 4:39

aman inubayan din dayun naulian. Sagunà haena migbangun daw sugbahi say Jesus.