Lucas 3:18 - Lalang Hu Dios

¹⁸ Amin daan duma ha mga paagi hu pagtudlù hi Juan hu Maayad ha Tultulanen duun hu kaet-etawan.

Lucas 3:18 Referans Kwoze

Mga Buhat 2:40

Madakel pa gayed sa inikagi hi Pedro hu paghangyù kandan ha tagyanaen, “Endai nuy sa madaet ha buhat hu kaet-etawan iman ta saena agsilutan hu Dios.”

Juan 1:34

Iman naahà kud daw maikagi kud en inyu ha iyan gayed haini Batà hu Dios.”

Juan 1:29

Su maisab ha aldaw naahà hi Juan si Jesus ha tagdiyà ta kandin. Dayun uminikagi si Juan, “Taini en sa Nati ha Karniru ha sinugù hu Dios ta daw makapalas hu salà hu kaet-etawan.

Juan 1:15

Iyan haini intultul hi Juan duun hu kaet-etawan su umikagi hu madaging ha tagyanaen, “Iyan en haini su tagsubayen ku, ‘Amin pa makadini ha labaw dì kanak ta duduun en su hurà a pa ibatà.’”

Lucas 3:17

Agkailing haena hu taggunas ha sa malinggas iyan din igtagù duun hu bugawan ba sa ukap agbigsulan ha harì en mapedengan.”

Lucas 3:19

Duun taena ha panahun binaldeng hi Juan si Harì Herodes ta inasawa din si Herodias sa asawa hu suled din daw amin pa duma ha madaet ha buhat hi Herodes.

Mga Buhat 20:2

Su makaagi si Pablo duun hu mga banuwa diyà pigdasig din sa mga tumutuu duun. Dayun duminiyà ta Acaya ha tagngaranan daan ta Grecia

Roma 12:8

Sa agpakahimu hu pagdasig hu duma din maniguru daan hu pagbuhat taena. Sa pakabulig pinaagi hu pag-ila kinahanglan ha magkalalagan. Saena ha agalen hu mga tumutuu kinahanglan ha maniguru gayed daan hu katengdanan din. Saena ha amin din kahid-u hu taglised kinahanglan ha mulig duun ha malipayen gayed.