Lucas 24:27 - Lalang Hu Dios

²⁷ Dayun insaysay hi Jesus diyà ta kandan sa mahitenged hu kaugalingen din ha nakasulat duun hu lalang hu Dios pinaagi ki Moises daw hu alan ha mga prupita.

Lucas 24:27 Referans Kwoze

Lucas 24:44

Inikagiyan din sidan, “Iyan en haini inikagi ku inyu su anay ha tagduma-dumahà kuy ha kinahanglan matuman gayed sa alan ha nakasulat mahitenged kanak duun hu Kasuguan hi Moises daw hu mga insulat hu prupita daw duun hu mga Salmo.”

Mga Buhat 10:43

Inikagi en hu alan ha mga prupita ha bisan sin-u sa tumuu kandin mapasaylu sa mga salà dan pinaagi hu ngaran hi Jesus.”

Juan 5:39

Tagtuen kaw gayed hu lalang hu Dios ta kagi nuy ha iyan haena makaila inyu hu kinabuhì ha hurà din katapusan. Ba saena ha lalang din iyan daan makapanistigus mahitenged kanak,

Juan 1:45

Aman sagunà inelegan hi Felipe si Natanael daw ikagiyi, “Naahà day en haena sa etaw ha sinubay hu mga prupita daw sa sinubay daan hi Moises duun hu Kasuguan. Iyan haena si Jesus sa batà hi Jose ha taga-Nazareth.”

Lucas 24:25

Dayun inikagiyan sidan hi Jesus, “Mga buang-buang kaw ha mga etaw, imbà kaw harì agtuu taena ha inikagi su anay hu mga prupita?

Mga Buhat 7:37

Iyan si Moises su mig-ikagi duun hu mga kaliwatan hi Israel, ‘Amin sabuwa ha prupita ha humiwal duun hu mga kaliwatan nuy ha suguen hu Dios iling hu pagsugua din kanak.’

Mga Buhat 3:24

“Sa alan ha mga prupita sugud dà ki Samuel migtagnà daan hu naul-ulahan en iman.

Mga Buhat 3:22

Ta inikagi hi Moises, ‘Sa Dios ha Magbabayà hu alan magsugù diyan ta inyu hu prupita ha duma nuy dà daan ha Judio iling hu pagsugua din kanak diyan ta inyu. Kinahanglan ha magpaliliman kaw gayed hu alan ha ag-ikagiyen din inyu.

Impadayag 19:10

Duun taena luminuhud a duun hu atubangan din ta agsimbahen ku ngaay, ba inikagiyan a kandin, “Harì a ikaw iyan agsimbaha ta siak daw sikaw daw sa alan ha nangeseg hu kamatuuran ha intudlù hi Jesus mig-iling kuy dà ha suluguen hu Dios. Iyan nu dà gayed simbahen sa Dios.” Sa kamatuuran ha intudlù hi Jesus iyan daan impaikagi hu Dios taena ha mga prupita din.

Marcos 4:34

Sa alan ha inikagi din kandan pinaagi dà gayed hu mga pananglitan. Ba ku iyan dà sidan hu mga tinun-an din igsaysay din kandan sa kahulugan taena.

Juan 5:37

Daw sa Dios ha Amay ku iyan tistigus mahitenged kanak. Hurà nuy pa kapaliman sa Dios daw hurà nuy pa daan kaahà

Juan 12:41

Naikagi haena hi Isaias ta naahà din en sa pagkagamhanan hi Jesus.

Mga Buhat 3:18

Ba pinaagi taena tinuman hu Dios sa inikagi hu mga prupita din ha su Misiyas ha sinugù din kinahanglan gayed ha mag-antus.

Mga Buhat 8:35

Dayun insaysay kandin hi Felipe sa Maayad ha Tultulanen mahitenged ki Jesus sugud duun taena ha bahin hu lalang hu Dios.