Lucas 22:8 - Lalang Hu Dios

⁸ Aman si Pedro daw si Juan sinugù hi Jesus hu kagi din, “Dumiyà kaw daw andama sa igpanihapun taw hu pagsaulug hu Aldaw hu Paglabay.”

Lucas 22:8 Referans Kwoze

Mga Buhat 8:14

Su mapaliman hu mga apustulis diyà ta Jerusalem ha tuminuu hu lalang hu Dios sa mga taga-Samaria impadiyà dan si Pedro daw si Juan.

Mga Buhat 4:19

Ba si Pedro daw si Juan tuminubag, “Henhenaa nuy ku hindu sa maayad. Iyan day ba tumanen sa inyu ha sugù daw ku iyan day ba sa sugù hu Dios?

Mga Buhat 4:13

Su maahà hu mga agalen ha si Pedro daw si Juan harì gayed agkahaldek hu pag-ikagi nangabeleng sidan ta natun-an dan ha hurà haena makatunghà. Ba nahenhenaan dan ha nakagduma-duma haena ki Jesus.

Mga Buhat 3:11

Su diyà en si Pedro daw si Juan ta sihungà ha tagngaranan hu Sihungà hi Solomon daw tagpangibità pa diyà ta kandan su naulian ha pigket, inamul-amulan sidan hu mga etaw ha agkangabeleng gayed.

Mga Buhat 3:1

Amin panahun ha su agkabalalay en sa aldaw si Pedro daw si Juan duminiyà ta Timplu ta iyan haena panahun hu pag-ampù.

Lucas 1:6

Si Zacarias daw si Elizabeth inisip hu Dios ha matareng daw tinuman dan gayed sa alan ha Kasuguan hu Dios.

Mateo 3:15

Ba tuminubag si Jesus, “Buhata haini ta kinahanglan matuman sa alan ha agkabayaan hu Dios.” Aman binautismuwan haena hi Juan.

Lucas 22:9

Nanginginsà sidan ki Jesus, “Hindu sa agkabayaan nu ha elegan day hu pagpangandam taena?”

Mga Buhat 3:3

Su maahà din si Pedro daw si Juan sa agseled en diyà ta Timplu pinanayuan din sidan hu limus.

Galacia 2:9

Si Santiago, si Pedro daw si Juan kinilala ha mga agalen, ba su matun-an dan en ha in-ila kanak hu Dios sa katenged ku nakigsabuwa sidan kanay ki Bernabe duun hu buluhaten hu Dios daw mig-uyun kay ha siak daw si Bernabe dumuun kay hu kenà mga Judio daw sidan dumuun daan hu mga Judio.