Lucas 11:9 - Lalang Hu Dios

⁹ “Aman ikagiyen ku inyu ha panayù kaw duun hu Dios ta ilahan kaw gayed kandin, pan-ahà daw makaahà kaw, pangumaw daw puwaan kaw kandin.

Lucas 11:9 Referans Kwoze

Marcos 11:24

Aman ag-ikagiyen ku inyu ha ku manayù kaw duun hu Dios tuuwi haena ha madawat nuy ta ig-ila din gayed inyu.

Mateo 21:22

Ku sumalig kaw hu Dios madawat nuy sa bisan inu ha agpanayuen nuy pinaagi hu pag-ampù.”

Juan 15:16

Kenà kaw iyan migpilì kanak ba iyan a migpilì inyu ta daw mamunga kaw hu madakel daw sa bunga nuy harì maamin. Bisan inu sa panayuen nuy duun hu Dios ha Amay ku pinaagi kanak saena ig-ila din inyu.

Juan 15:7

Ku harì kaw sumuway kanak daw magpabilin kaw duun hu mga lalang ku sa bisan inu ha agpanayuen nuy ig-ila ku inyu.

Juan 14:13

Bisan inu sa panayuen nuy pinaagi kanak ig-ila ku gayed haena ta daw madayè sa Dios ha Amay ku tumenged kanak.

1 Juan 3:22

Bisan inu sa panayuen taw ig-ila din kanuy ta tagtumanen taw man sa mga sugù din daw tagbuhaten taw sa igkabayà-bayà din.

Santiago 1:5

Ba ku amin inyu nakulangan hu kaalam kinahanglan ha manayù duun hu Dios ta iila din haena inyu tumenged ta sa Dios kalalagan gayed daw harì kaw kandin agpagagayhaan.

Hebreo 11:6

Sa etaw ha hurà din pagtuu harì gayed pakapabayà-bayà hu Dios, ta saena ha ag-ubay diyà ta kandin kinahanglan ha tumuu gayed ha amin Dios daw balesan din haena sa tagpan-ahà kandin.

Santiago 5:15

ta sa pag-ampù ha dinumahan hu pagsalig makaulì gayed hu agkadaluwan daw ku amin din salà mapasaylu daan.

Hebreo 4:16

Aman harì taw ikagayhà sa pag-ubay duun hu Dios pinaagi hu pag-ampù ta daw mahid-uwan kuy kandin daw ipaahà din kanuy sa grasya din duun hu bisan inu ha panahun ha kinahanglanen taw sa bulig din.

Juan 4:10

Ba tuminubag si Jesus, “Ku natun-an nu pa ngaay sa pakaila hu Dios daw ku sin-u a sa tagpanayù diyan ta ikaw hu wahig, iyan ka pa ngaay manayù dini ta kanak daw ilahan ku pa ikaw hu wahig ha makaila hu kinabuhì.”

Mateo 6:29

Ba ikagiyen ku inyu ha bisan si Harì Solomon su anay sa sapian hurà makagbisti hu iling kadagway taini ha mga bulak.

2 Corinto 6:2

ta sa lalang hu Dios tagyanaen, “Duun hu natugun ha panahun pigpalilimanan ku inyu daw duun hu hustu ha panahun hu pagluwas inyu binuligan ku inyu.” Ikagiyen ku inyu ha iyan en iman haini natugun ha panahun ha pagpalilimanan kaw hu Dios daw iyan en daan haini hustu ha panahun ha agluwasen kaw kandin.

Marcos 13:37

Sa inikagi ku inyu tag-ikagiyen ku daan duun hu alan, ‘Magbantay kaw gayed.’”

Roma 2:7

Saena ha agpaniguru gayed hu pagbuhat hu maayad ta iyan dan taghenhenaen ha dayeen sidan hu Dios daw ipatangkaw sidan hu hurà din katapusan, mailahan sidan hu kinabuhì.

Mateo 21:31

“Sin-u man duun taena ha mga batà sa nakatuman hu insugù hu amay dan?” Tuminubag sidan, “Iyan haena sa magulang.” Inikagiyan sidan hi Jesus, “Laus gayed sa ag-ikagiyen ku inyu ha saena ha limbungan ha manunukut hu buhis daw su madaet ha mga bahi iyan mangauna dì inyu ha pagharian hu Dios.

Impadayag 2:24

Ba sinyu sa duma ha mga tumutuu diyan ta Tiatira ha hurà makasunud hu madaet ha katudluanan daw hurà daan makatuen hu madalem kun ha katudluanan hi Satanas, hurà ku gayed igsugù inyu.

Lucas 11:10

Ta bisan sin-u sa agpanayù ag-ilahan daw saena ha agpan-ahà makaahà daw sa agpangumaw agpuwaan.