Lucas 11:45 - Lalang Hu Dios

⁴⁵ Amin manunudlù hu Kasuguan ha uminikagi diyà ki Jesus, “Manunudlù, pigpagagayhaan kay gayed ikaw taena ha inikagi nu.”

Lucas 11:45 Referans Kwoze

Juan 9:40

Amin mga Parisiyu ha nakapaliman hu inikagi din aman nanginginsà, “Buta kay ba diay?”

Juan 7:48

Hurà gayed sabuwa ha agalen daw Parisiyu ha tuminuu kandin.

Juan 7:7

ta harì kaw man agkuntrahen hu mga etaw dini ta kalibutan. Ba siak tumenged hu tigtudlù ku agkatun-an dan ha madaet sa tagbuhaten dan aman agkuntrahen a kandan.

Lucas 11:52

“Kahid-u nuy gayed sinyu sa mga manunudlù hu Kasuguan, ta harì kaw agkabayà ha matun-an nuy sa kamatuuran daw agbaldengen nuy haena sa tagtuen ngaay.”

Lucas 11:46

Ba tuminubag si Jesus, “Kahid-u nuy daan sinyu sa mga manunudlù hu Kasuguan, ta mabegat gayed sa mga tulumanen ha igpabuhat nuy hu mga etaw ba sinyu harì nuy man daan agkatuman haena.

Mateo 22:35

Amin kandan sabuwa ha manunudlù hu Kasuguan ha nanginginsà daan ki Jesus hu pagsulay kandin ha tagyanaen,

Lucas 7:30

Ba sa mga Parisiyu daw sa mga manunudlù hu Kasuguan hurà dan dawata sa katuyuan kandan hu Dios aman hurà daan sidan kabautismuwi su anay hi Juan.