Lucas 1:65 - Lalang Hu Dios

⁶⁵ Nangabeleng gayed su mga silingan din daw saini ha tultulanen nakalekep duun hu kaet-etawan duun hu mga buntud ha sakup ta Judea.

Lucas 1:65 Referans Kwoze

Lucas 1:39

Duun taena ha panahun uminagpas si Maria duminuun hu buntud ha sakup ta Judea.

Mga Buhat 5:11

Tumenged taena sa alan ha mga tumutuu daw sa nakapaliman hu naul-ulahan nangahaldek gayed.

Mga Buhat 5:5

Su mapaliman haena hi Ananias sagunà nabantang dayun minatay. Sa alan ha nakapaliman taena ha naul-ulahan nahaldek gayed.

Mga Buhat 2:43

Madakel sa belenganen daw timaan ha impaahà hu mga apustulis aman nangabeleng gayed sa mga etaw.

Lucas 7:16

Sa alan ha mga etaw nangahaldek daw dinayè dan sa Dios ha tagyanaen, “Sa labaw ha prupita nakauma dini ta kanuy daw duminini sa Dios hu pagbulig hu mga etaw din.”

Impadayag 11:11

Ba su maiwas sa tatulu ha aldaw daw tengà binanhaw dà hu Dios su daruwa ha nanunultul. Su makahitindeg en sidan tungkay gayed nangahaldek sa alan ha nakaahà kandan.

Mga Buhat 19:17

Su mapaliman haena hu mga Judio daw hu kenà mga Judio ha tagtimà diyà ta Efeso nangahaldek gayed sidan daw nadayè gayed si Jesus ha Ginuu.

Mateo 2:1

Si Jesus diyà imbatà ta Bethlehem ha sakup ta Judea su panahun ha iyan pa harì diyà si Herodes. Hurà tungkay kalugay nakauma diyà ta Jerusalem sa mga etaw ha mga matatau ha napuun diyà ta sinibwalan.

Lucas 5:26

Sa alan ha mga etaw nangabeleng daw dinayè dan daan sa Dios, “Belenganen gayed sa naahà taw iman.”

Lucas 2:18

Nangabeleng sa mga etaw ha nakapaliman taena ha inikagi hu mga magbalantay hu karniru.