Juan 8:6 - Lalang Hu Dios

⁶ Ininsaan dan si Jesus taena hu pagsulay kandin ta daw amin dan katarengan ha ikasumbung dan mahitenged kandin. Ba si Jesus bà dà duminunghuy daw isulat sa tuldù din duun hu aliyabuk.

Juan 8:6 Referans Kwoze

Lucas 10:25

Amin sabuwa ha manunudlù hu Kasuguan ha duminiyà ki Jesus hu pagsulay kandin aman nanginginsà, “Manunudlù, inu man sa kinahanglan ha buhaten ku ta daw mailahan a hu kinabuhì ha hurà din katapusan?”

Mateo 19:3

Amin daan mga Parisiyu ha duminiyà ki Jesus hu pagsulay kandin aman ininsaan dan, “Intugut ba hu Kasuguan taw ha endaan hu maama sa asawa din bisan ku hurà hinengdan?”

1 Corinto 10:9

Kinahanglan ha harì taw gayed sulayan sa Dios iling hu binuhat hu duma kandan ta sinilutan sidan daw namamatay pinaagi hu mga bunsalagan ha namangagat.

Marcos 10:2

Amin daan mga Parisiyu ha duminiyà ki Jesus hu pagsulay kandin aman ininsaan dan, “Intugut ba hu Kasuguan taw ha endaan hu maama sa igbahi din?”

Marcos 8:11

Amin mga Parisiyu ha duminiyà ki Jesus hu pagpakigsawalà kandin ta agsulayen dan haena, aman hinangyù dan si Jesus ha ipaahà din kandan sa belenganen ha iyan timaan ha sinugù haena hu Dios.

Mateo 26:63

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Duun hu atubangan hu Dios ha bubuhay ipanumpà nu daw ikagiyi kay ku iyan kad ba su Misiyas ha Batà hu Dios.”

Mateo 22:35

Amin kandan sabuwa ha manunudlù hu Kasuguan ha nanginginsà daan ki Jesus hu pagsulay kandin ha tagyanaen,

Mateo 22:18

Ba natun-an hi Jesus ha madaet sa tuyù dan aman inikagiyan din sidan, “Sinyu sa bà dà tagpasibù-sibù, imbà a inyu tagsulay-sulaya?

Mateo 16:1

Amin mga Parisiyu daw Saduceo ha duminiyà ki Jesus hu pagsulay kandin, aman hinangyù dan si Jesus ha ipaahà din kandan sa belenganen ha iyan timaan ha sinugù haena hu Dios.

Mateo 15:23

Ba si Jesus hurà en magtubag. Aman sa mga tinun-an din pinagayukan dan si Jesus, “Ipaawà hayana sa taglupugà kanuy ha bahi ta pinakauleg.”

Mateo 10:16

“Agkailing kaw hu mga karniru daw agsuguen ku inyu duun hu mga etaw ha agkailing hu asu ha agpamangagat. Aman mag-andam kaw ba kinahanglan daan ha harì nuy mapasipalahan sa bisan sin-u.

Juan 8:2

Su maselem en luminikù dà diyà ta Timplu. Madakel sa mga etaw ha nangaamul-amul diyà ta kandin aman mininuu daw migtudlù.

Lucas 11:16

Sa duma ha mga etaw agsulayen dan ngaay si Jesus aman hinangyù dan ha ipaahà din kandan sa belenganen ha iyan timaan ha sinugù haena hu Dios.

Marcos 12:15

Ba natun-an hi Jesus ha bà dà sidan tagpasibù-sibù aman inikagiyan din sidan, “Imbà a inyu tagsulay-sulaya? Ipaahà kanak sa salapì ha igbayad nuy hu buhis.”

Marcos 3:2

Sa duma ha mga etaw tagpan-ahà hu katarengan ta daw makasumbung dan si Jesus, aman binantayan dan ku bulungen din ba haena duun hu Aldaw hu Paghimlay.