Juan 8:32 - Lalang Hu Dios

³² Dayun matun-an nuy sa kamatuuran daw pinaagi taena malibri kaw duun hu pagkaulipen nuy.”

Juan 8:32 Referans Kwoze

Roma 8:2

Ta sa Balaan ha Ispiritu mig-ila en kanuy hu bag-u ha kinabuhì pinaagi hu pagpakigsabuwa taw ki Cristo Jesus aman nalibri kuy hu pagkaulipen taw hu salà ha iyan igsiluti ngaay kanuy hu hurà din katapusan.

Juan 8:36

Aman ku libriyen ku inyu siak sa Batà hu Dios harì kaw en maulipen hu salà.

Juan 17:17

Buhata nu sidan ha mahimpit pinaagi hu pagpakatuen dan hu kamatuuran ha iyan sa lalang nu.

1 Pedro 2:16

Kenà kaw en iman mga ulipen hu salà ta nalibri kaw en. Ba saini ha kalibriyanan harì nuy buhaten ha katarengan hu pagbuhat hu madaet ba magmatinumanen kaw gayed isip ha suluguen hu Dios.

Juan 14:6

Tuminubag si Jesus, “Iyan a dalan daw kamatuuran daw iyan a kinabuhì. Hurà makaduun hu Amay ku ku kenà pinaagi kanak.

Roma 6:22

Ba iman tumenged ta hurà en gahem hu salà diyan ta inyu daw nabuhat kaw en ha ulipen hu Dios mahimpit kaw daw makaangken kaw hu kinabuhì ha hurà din katapusan.

Santiago 1:25

Ba ku amin etaw ha magsusi gayed hu himpit ha kasuguan hu Dios ha iyan pakalibri kandin daw timan-an din ha sigi din gayed tumanen haena panalanginan hu Dios sa tagbuhaten din.

Galacia 5:1

Iman nalibri kuy en hi Cristo hu pagkaulipen duun hu Kasuguan. Aman maniguru kaw iman ta daw harì kaw en maisab maulipen.

Santiago 2:12

Aman mag-andam kaw hu pag-ikagi nuy daw hu mga buhat nuy ta sa Kasuguan ha iyan pakalibri inyu iyan dà daan ighukum inyu hu Dios.

Galacia 5:13

Mga suled, hinimu kaw gayed hu Dios ha tumutuu ta daw malibri kaw duun hu pagkaulipen hu Kasuguan. Ba kinahanglan ha harì nuy buhaten sa kalibriyanan nuy ha balibaran hu pagtuman hu makasasalà ha kinaiya nuy, ba pinaagi hu pagpinalanggaay magbinuligà kaw gayed.

Juan 7:17

Bisan sin-u sa agkabayà tagtuman taena ha agkabayaan hu Dios matun-an din gayed ku sa tigtudlù ku kanak dà ba daw ku duun ba napuun hu Dios.

Roma 8:15

Sa Balaan ha Ispiritu ha impaulin inyu mighimu inyu ha harì kaw mahaldek hu Dios iling hu ulipen ta binuhat kaw kandin ha laus ha mga batà hu Dios. Makapangumaw kuy en hu Dios ha Amay taw

Juan 16:13

Ba ku makauma en sa Balaan ha Ispiritu ha iyan magpadayag hu kamatuuran, itudlù din haen inyu. Sa ag-ikagiyen din kenà kandin dà ha henà-henà ba iyan dà sa napaliman din duun hu Dios, daw ag-ikagiyen din daan inyu sa maul-ulahan ku malugay.

2 Timoteo 3:7

Saini sidan tagpaliliman hu bisan sin-u ha tag-ikagi ba harì gayed sidan pakatuen hu kamatuuran.

Juan 6:45

Amin insulat hu mga prupita ha tagyanaen, ‘Tudluan hu Dios sa alan ha kaet-etawan.’ Aman bisan sin-u sa magpaliliman hu Amay ku ha tinudluan din dumini gayed ta kanak.

Mateo 11:29

Buhaten nuy sa igsugù ku inyu daw magtuen kaw dini ta kanak ta daw makahimlay kaw, ta maluluy-en daw tagpaubus a.

Juan 1:14

Saena ha Lalang migpakaetaw daw uminamul kanuy hu mababà ha panahun. Naahà day sa pagkagamhanan ha in-ila kandin hu Dios ha Amay din tumenged ta iyan bugtung ha Batà din. Saena maluluy-en gayed daw natun-an taw en diyà ta kandin sa kamatuuran.

Juan 1:17

Pinaagi ki Moises in-ila hu Dios sa Kasuguan, ba pinaagi ki Cristo Jesus inilahan kuy kandin hu grasya daw natun-an taw daan diyà ta kandin sa kamatuuran.

1 Corinto 7:22

Ta sa ulipen ha nakatuu inisip hu Ginuu ha kenà ulipen, daw sa kenà ulipen su anay makatuu nabuhat ha ulipen hi Cristo.

2 Juan 1:1

Iyan a sabuwa ha agalen hu mga tumutuu sa migsulat taini. Sinulatan ku ikaw sa bahi ha pinilì hu Dios daw sa mga batà nu ha mga pinalanggà ku. Sa alan ha nakatuu hu kamatuuran tagpalanggà daan inyu