Juan 6:61 - Lalang Hu Dios

⁶¹ Ba natun-an hi Jesus ha sa mga duma ha sumusunud din tagtamudmud mahitenged hu tigtudlù din, aman inikagiyan din sidan, “Agtambagan nuy ba diay sa inikagi ku?

Juan 6:61 Referans Kwoze

Juan 6:64

Ba amin pa duma inyu ha harì agtuu kanak.” Saena inikagi hi Jesus ta daan din en natun-an ku sin-u sa harì agtuu kandin daw ku sin-u daan sa maglimbung kandin.

Impadayag 2:23

daw himatayan ku daan sa sumusunud din. Dayun matun-an hu alan ha mga tumutuu ha iyan a pakasusi hu henà-henà daw hu gahinawa hu etaw daw agbalesen ku sa kada sabuwa sumalà hu tagbuhaten din.

Hebreo 4:13

Hurà gayed makaheles duun hu Dios ta sa alan agkaahà din daw agpanubag kuy diyà ta kandin.

Juan 21:17

Duun hu ikatulu ininsaan dà paman hi Jesus, “Simon ha batà hi Juan, palanggà a ba gayed ikaw?” Suminakit sa gahinawa hi Pedro ta katulu en insai ku palanggà din ba si Jesus. Ba tuminubag gihapun, “Ginuu, natun-an nud sa alan aman natun-an nu ha palanggà ku gayed ikaw.” Dayun inikagiyan hi Jesus si Pedro, “Alimahi nu sa mga karniru ku.

Mateo 11:6

Malipayen gayed sa etaw ha harì tagduwa-duwa hu pagsalig din kanak.”

Mateo 17:27

Ba para ha harì ki mapaukan taena ha mga manunukut hu buhis pamanuwit ka diyà tayà ha danaw. Sa una ha sumambat ikaw timuen nu sa salapì diyà ta bàbà din ta tumanan en haena ha ibayad ta hu buhis ta Timplu.”

Juan 16:19

Natun-an hi Jesus ha amin dan ngaay ig-insà kandin aman inikagiyan din sidan, “Tagpainsaay kaw ku inu sa kahulugan taena ha inikagi ku ha, ‘harì en malugay harì ad en inyu maahà ba harì en daan malugay maahà a dà inyu.’