Juan 4:6 - Lalang Hu Dios

⁶ Duun taena sa atabay ha binangbang hi Jacob, aman mighimlay si Jesus ta agkapedaan en daw agkaugtu en daan.

Juan 4:6 Referans Kwoze

Hebreo 4:15

Maluluy-en haini ta natun-an din sa kaluya taw tumenged ta nakaagi daan hu bisan inu ha panulay iling kanuy, ba hurà gayed hu kandin makasalà.

Hebreo 2:17

Aman si Jesus migpakaetaw gayed ta kinahanglan ha makaagi hu bisan inu ha alantusen ta daw, mabuhat ha maluluy-en daw matinumanen, tungkay labaw ha sinaligan hu mga etaw duun hu Dios, daw mapalas din sa mga salà hu kaet-etawan.

Mateo 8:24

Su taglulan en sidan tigkan namagyu aman nataguan hu wahig haena sa barutu. Ba si Jesus tagtiduga hu kandin.

Mateo 27:45

Su maugtu en sa aldaw suminukilem sa tibuuk ha kalibutan hu tatulu ha uras.

Mateo 4:2

Suminalang si Jesus hu pagkaen seled hu kap-atan ha aldaw daw daleman, aman su maiwas haena tungkay gayed nauhul.

2 Corinto 8:9

Natun-an nuy ku inu gayed sa grasya hi Cristo Jesus ha Ginuu taw. Bisan ku sapian diyà ta langit ba nabuhat ha makaluluuy para inyu ta daw pinaagi taena mabuhat kaw daan ha sapian.

Juan 11:9

Inikagiyan sidan hi Jesus, “Sampulù daw daruwa ha uras sa kapawà hu nangkaaldaw. Bisan sin-u sa taghipanaw ku aldaw harì gayed pakasipà ta mapawà,

Lucas 9:58

Ba tuminubag si Jesus, “Sa laku amin din tagtimaan daw sa mga tagbis amin dan daan mga dalagpuay, ba siak sa Batà hu Etaw hurà ku himlayà.”

Lucas 2:7

Aman migbatà haena hu maama ha iyan kamagulangan ha batà din. Binungkusan din haena hu manggad daw iugsak duun hu balahugà hu mananap ta napunù en sa mga balay ha hulabungà.

Juan 4:5

Aman nakauma hu banuwa ha sakup ta Samaria ha tagngaranan ta Sicar ha ubay duun hu bugtà ha imbilin hi Jacob duun hu batà din ha si Jose.

Juan 4:7

Sa mga tinun-an din duminiyà ta banuwa ta agpamalit hu agkan-en dan. Amin bahi ha taga-Samaria ha duminiyà ta agsag-eb aman inikagiyan hi Jesus, “Ipainum a.”

Juan 4:12

Labaw ka pa ba diay dì ki Jacob sa gin-apuan taw ha migbangbang taini ha atabay daw iyan haini inumà din daw inumà daan hu mga batà din daw hu mga mananap din?”