Juan 20:25 - Lalang Hu Dios

²⁵ Su matultulan hu mga tinun-an ha duma din ha naahà dan en sa Ginuu minikagi si Tomas, “Harì a gayed makatuu ha nabanhaw haena ku harì ku matubluk sa alima din ha naagiyan hu lansang daw sa kilid din ha pigdughang.”

Juan 20:25 Referans Kwoze

Juan 6:30

Aman nanginginsà sa mga etaw, “Inu sa belenganen ha makapaahà nu kanay ta daw kay makatuu ikaw?

Marcos 16:11

Su mapaliman dan ha nabanhaw en si Jesus daw naahà haena hi Maria hurà sidan tuu.

Hebreo 3:18

Daw iyan daan sidan su pigpanumpaan hu Dios ha harì makaduun hu himlayà ha ig-ila din ngaay kandan ta migmasinupaken sidan.

Hebreo 3:12

Mga suled, mag-andam kaw ha hurà madaet ha henà-henà duun hu bisan sabuwa inyu daw makasupak hu pagtuu, ta iyan haena ipakasuway nuy duun hu bubuhay ha Dios.

Juan 21:7

Dayun su tinun-an ha pinalanggà hi Jesus minikagi diyà ki Pedro, “Ay, iyan man diay hayana sa Ginuu taw.” Su mapaliman haena hi Simon Pedro sagunà migpinaksuy ta miglebas haena, dayun uminagbul diyà ta wahig payanaen diyà ki Jesus.

Juan 1:41

Inelegan din sagunà si Simon daw ikagiyi, “Naahà day en sa Misiyas” ha tagngaranan daan ki Cristo.

Lucas 24:25

Dayun inikagiyan sidan hi Jesus, “Mga buang-buang kaw ha mga etaw, imbà kaw harì agtuu taena ha inikagi su anay hu mga prupita?

Mateo 27:42

“Aglibriyen din man gid sa duma ha mga etaw ba sa kandin ha kaugalingen harì din agkalibri. Ahaen taw hayana sa Harì hu mga kaliwatan hi Israel ku lumugnà ba iman duun tayan ha krus daw makatuu kuy kandin.

Marcos 16:13

Su makilala dan en haena tinultulan dan sa mga duma dan ba hurà daan sidan tuu.

Marcos 16:14

Migpaahà si Jesus duun ku sampulù daw sabuwa ha tinun-an su tagkaen sidan. Sinaway din sidan ta harì sidan agtuu daw madesen gayed sa henà-henà dan ta hurà dan tuuwi sa nakaahà kandin ha nabanhaw.

Juan 20:27

Dayun inikagiyan din daan si Tomas, “Ahaa daw tubluka nu sa alima ku daw tubluka nu daan sa kilid ku. Endai nud en sa pagduwa-duwa daw tuu kad en iman kanak.”