Juan 20:15 - Lalang Hu Dios

¹⁵ Saena nanginginsà diyà ta kandin, “Imbà ka tag-agalaay? Sin-u sa tagpan-ahaen nu?” Abi hi Maria ha iyan haena su tag-alima hu mga pamulahen aman tinubag din, “Ku iyan ka migtimù hu lawa hi Jesus ikagiya nu kanak ku hindu nu duun in-ugsak ta agtimuen ku dà.”

Juan 20:15 Referans Kwoze

Juan 20:13

Su mga balinsuguen hu Dios minikagi, “Imbà ka tag-agalaay?” Tuminubag si Maria, “Tinimù dan sa lawa hu Ginuu ku daw harì ku agkatun-an ku hindu dan en duun in-ugsak.”

Juan 18:7

Aman inisaban sidan ininsaan hi Jesus, “Sin-u man diay sa tagpan-ahaen nuy?” Tuminubag gihapun sidan, “Iyan labi si Jesus ha taga-Nazareth.”

Juan 1:38

Su lumingì si Jesus naahà din su taglupug kandin aman ininsaan din sidan, “Inu sa agkabayaan nuy?” Tuminubag sidan, “Hindu ka tagtimà, Rabi?” ha sa kahulugan taena Manunudlù.

Marcos 16:6

Ba inikagiyan sidan taena, “Harì kaw agkangahaldek. Tagpan-ahaen nuy si Jesus ha taga-Nazareth sa inlansang duun hu krus ba hurà en dini ta nabanhaw en. Ahaa nuy haini sa naugsakan din.

Mateo 28:5

Ba inikagiyan ku balinsuguen haena sa mga bahi, “Harì kaw agkangahaldek ta natun-an ku ha tagpan-ahaen nuy si Jesus sa inlansang duun hu krus.

Juan 18:4

Ba natun-an en hi Jesus sa maul-ulahan din aman tinalagbù din sidan daw insai, “Sin-u sa tagpan-ahaen nuy?”

Lucas 24:5

Saena ha mga bahi luminuhud ha nakadunghuy ta nangahaldek, ba inikagiyan sidan ku mga maama, “Imbà nuy duun taini ha lebeng agpan-ahaa sa bubuhay ha etaw?

Mateo 12:34

Sinyu sa mga bunsalagan, in-inuwen nuy pag-ikagi hu maayad ha mga madaet kaw man? Ta ku inu sa duun hu henà-henà hu etaw iyan daan haena agkaikagi din.

Lucas 2:44

Tumenged ta madakel sidan sa taghipanaw abi dan ha nakaduma en si Jesus kandan. Ba su nangkaaldaw en sa kahipanaw dan pinan-ahà dan si Jesus duun hu mga kadumahan daw mga amigu dan.