Juan 15:1 - Lalang Hu Dios

¹ “Iyan a puun hu pamulahen daw sa Dios ha Amay ku iyan tag-alima duun.

Juan 15:1 Referans Kwoze

1 Corinto 3:9

Siak daw si Apollo bà dà migbuligà duun hu buluhaten hu Dios daw sinyu agkailing kaw hu uma hu Dios ha pigtrabahuwan day. Agkailing kaw daan taena ha agbalayen hu Dios.

Juan 6:55

ta sa lawa daw sa langesa ku iyan gayed kalan-enen ha pakaila hu kinabuhì.

1 Juan 2:8

Ba saini bà su bag-u ta agpamawà en daw kenà en masukilem. Saena ha sugù tinuman hi Jesus aman kinahanglan ha tumanen taw daan.

Marcos 12:1

Minikagi si Jesus pinaagi hu mga sanglitanan ha tagyanaen, “Amin etaw ha amin din uma ha pinamulahan din hu paras. Linibut din haena hu alad daw migbangbang hu pangemesà hu mga bunga daw miglawig daan hu timaay taena ha mga tag-alima duun. Dayun pinaalimahan din haena daw pahiphipanaw duun hu madiyù ha banuwa.

Mateo 21:33

“Palilimani nuy haini sa sanglitanan. Amin etaw ha amin din uma ha pinamulahan hu paras. Linibut din haena hu alad daw migbangbang hu pangemesà hu mga bunga din daw miglawig daan hu timaay taena ha mga tag-alima duun. Dayun pinaalimahan din haena daw pahiphipanaw duun hu madiyù ha banuwa.

Juan 6:32

Minikagi si Jesus, “Laus gayed sa ag-ikagiyen ku inyu ha kenà iyan si Moises mig-ila ku kalan-enen ha diyà napuun ta langit, ba sa Dios ha Amay ku iyan makaila inyu hu laus ha kalan-enen.

Lucas 13:6

Minikagi si Jesus hu sabuwa ha pananglitan ha tagyanaen, “Amin etaw ha namula hu kayu ha igira. Su tingpamunga en inelegan din haena ba hurà man diay pamunga.

Mateo 20:1

“Sa pagharì hu Dios agkailing hu etaw ha suminelem nan-ahà hu agsuhulan din ha magtrabahu duun hu uma din.

Juan 1:9

Sa sulù ha pakailaw hu henà-henà hu kaet-etawan agpakauma en dini ta kalibutan.

Juan 1:17

Pinaagi ki Moises in-ila hu Dios sa Kasuguan, ba pinaagi ki Cristo Jesus inilahan kuy kandin hu grasya daw natun-an taw daan diyà ta kandin sa kamatuuran.

Mateo 15:13

Ba si Jesus tuminubag, “Aghilamunen sa agtubù ha hurà ipamula hu Dios ha Amay ku.

Juan 15:2

Sa mga panga ha harì mamunga awaen din, ba sa mga panga ha agpamunga limpyuwan din ta daw mamunga hu madakel.

Roma 11:17

Sa duma ha panga hu impamula ha kayu ha ulibu pinanunglu daw amin lain ha mga panga hu kayu ha hurà alimahi iling inyu sa kenà mga Judio, saena insumpay duun hu lawa taena ha tinungluwan ta daw mabahinan sidan hu panalangin ha intagana hu mga Judio.