Juan 13:18 - Lalang Hu Dios

¹⁸ “Sa inikagi ku kenà mahitenged hu alan inyu ta natun-an kud sa mga henà-henà taena ha mga pinilì ku. Ba amin sabuwa inyu ha maglimbung kanak ta daw matuman sa lalang hu Dios ha tagyanaen, ‘Sa etaw ha makigsalu kanak iyan daan magkuntra kanak.’

Juan 13:18 Referans Kwoze

Mateo 26:23

Tuminubag si Jesus, “Iyan sa sabuwa diyan ta inyu ha nakigsalu kanak.

Juan 17:12

Su duma a pa kandan pigbantayan ku sidan pinaagi hu gahem ha in-ila nu kanak. Hurà malaag kandan ba iyan dà sa intagnà en ha maglimbung kanak ta daw matuman sa insulat ha lalang nu.

Marcos 14:20

Tuminubag si Jesus, “Iyan sa sabuwa diyan ta inyu ha tagsalu en kanak iman.

Juan 13:26

Minikagi si Jesus, “Idèdè ku haini sa supas daw ku sin-u sa ilahan ku duun iyan en haena.” Dayun in-ila din su supas diyà ki Judas ha batà hi Simon Iscariote.

Juan 6:70

Dayun tuminubag si Jesus, “Pinilì ku inyu sa sampulù daw daruwa ba sa sabuwa inyu sakup en hi Satanas.”

Juan 15:19

Ku duma kaw pa ngaay kandan harì kaw kandan kuntrahen. Ba kenà kaw kandan mga duma ta pinilì ku inyu aman agkuntrahen kaw gayed kandan.

Hebreo 4:13

Hurà gayed makaheles duun hu Dios ta sa alan agkaahà din daw agpanubag kuy diyà ta kandin.

Juan 15:16

Kenà kaw iyan migpilì kanak ba iyan a migpilì inyu ta daw mamunga kaw hu madakel daw sa bunga nuy harì maamin. Bisan inu sa panayuen nuy duun hu Dios ha Amay ku pinaagi kanak saena ig-ila din inyu.

Mateo 10:36

Ta sa kuntra hu etaw duun dà agkapuun hu pamilya din.

Impadayag 2:23

daw himatayan ku daan sa sumusunud din. Dayun matun-an hu alan ha mga tumutuu ha iyan a pakasusi hu henà-henà daw hu gahinawa hu etaw daw agbalesen ku sa kada sabuwa sumalà hu tagbuhaten din.

Juan 21:17

Duun hu ikatulu ininsaan dà paman hi Jesus, “Simon ha batà hi Juan, palanggà a ba gayed ikaw?” Suminakit sa gahinawa hi Pedro ta katulu en insai ku palanggà din ba si Jesus. Ba tuminubag gihapun, “Ginuu, natun-an nud sa alan aman natun-an nu ha palanggà ku gayed ikaw.” Dayun inikagiyan hi Jesus si Pedro, “Alimahi nu sa mga karniru ku.

2 Corinto 4:5

Ta kenà day iyan tigsangyaw sa kanay ha kaugalingen ba iyan si Cristo Jesus ha Ginuu taw daw pinaagi kandin nabuhat kay daan ha suluguen nuy.

Mateo 26:21

Su kamulu pa sidan tagkaen inikagiyan sidan hi Jesus, “Laus gayed sa ag-ikagiyen ku inyu ha sa sabuwa inyu iyan maglimbung kanak.”

Marcos 14:17

Su daleman en nakauma si Jesus duma hu mga tinun-an din.

Marcos 14:18

Su kamulu pa sidan tagkaen inikagiyan sidan hi Jesus, “Laus gayed sa ag-ikagiyen ku inyu ha sa sabuwa inyu iman ha nakigsalu kanak iyan maglimbung kanak.”

Lucas 22:21

“Sa etaw ha maglimbung kanak dini en iman ta kanuy.

Juan 13:21

Su maikagi haena hi Jesus tungkay suminakit sa gahinawa din dayun inikagiyan din sa mga tinun-an, “Laus gayed sa tag-ikagiyen ku ha sa sabuwa inyu iyan maglimbung kanak.”

Juan 13:22

Migpaahà-ahaay sa mga tinun-an ta hurà dan katun-i ku sin-u sa tig-iling din.

Juan 15:25

Ba iyan haena katumanan hu insulat duun hu Kasuguan dan ha tagyanaen, ‘Bisan ku hurà dan gayed katarengan ha igkuntraha dan kanak ba kinuntra a gihapun kandan.’

Juan 18:32

Nahitabù haena ta daw matuman sa inikagi su anay hi Jesus ku agkainu-inu sa kamatayen din.

Juan 19:24

dayun naman-ikagi sidan, “Harì taw haini yahà-yahaen ba magripa kuy ta daw matun-an taw ku sin-u kanuy sa makatimù duun.” Nabuhat dan haena ta daw matuman sa insulat ha lalang hu Dios ha tagyanaen, “Sinaad-saad dan sa pinaksuy ku daw pigripahan dan sa duma duun.” Aman iyan haena binuhat ku mga sundalu.

Juan 19:36

Nahitabù haena ta daw matuman sa insulat ha lalang hu Dios ha tagyanaen, “Hurà bisan sabuwa ha mabalì duun hu mga tul-an din.”

Mga Buhat 1:2

payanaen en hu pagligtu din diyà ta langit. Seled hu kap-atan ha aldaw hu pagkabanhaw din madakel sa mga paagi ha impaahà din duun hu mga apustulis ha nabanhaw gayed daw tinudluan din daan sidan mahitenged hu pagharì hu Dios. Su hurà pa haena ligtu diyà ta langit, pinaagi hu Balaan ha Ispiritu tinudluan din su mga pinilì din ha mga apustulis hu igpabuhat din kandan.

Mga Buhat 1:16

“Mga suled, kinahanglan gayed ha matuman sa insulat ha lalang hu Dios ha inikagi hi David gaun su ulinan hu Balaan ha Ispiritu mahitenged ki Judas sa panulù hu kadakepa ki Jesus.