Juan 12:34 - Lalang Hu Dios

³⁴ Su mga etaw uminikagi, “Natun-an taw pinaagi hu Kasuguan taw ha harì gayed matay su Misiyas, aman imbà nu kaikagi ha kinahanglan ha ipatangkaw sa Batà hu Etaw duun hu kayu? Sin-u haini sa Batà hu Etaw?”

Juan 12:34 Referans Kwoze

Roma 5:18

Aman pinaagi hu salà ha nabuhat hu sabuwa ha etaw agsilutan sa alan. Iling daan taena ha pinaagi hu pagkamatareng hu sabuwa ha etaw mabaluy ha maisip sa alan ha matareng daw makaangken hu kinabuhì ha hurà din katapusan.

Roma 3:19

Natun-an taw en ha sa Kasuguan iyan migpadayag hu salà taena ha sakup duun. Pinaagi hu Kasuguan natun-an taw ha hurà gayed makaikagi ha harì angayan ha silutan ta sa alan suminupak hu Dios.

Juan 15:25

Ba iyan haena katumanan hu insulat duun hu Kasuguan dan ha tagyanaen, ‘Bisan ku hurà dan gayed katarengan ha igkuntraha dan kanak ba kinuntra a gihapun kandan.’

Juan 12:32

Ba siak ku ipatangkaw a duun hu kayu puun ta bugtà sa kaet-etawan duun hu bisan hindu makadini ta kanak.”

Juan 10:34

Inikagiyan sidan hi Jesus, “Hurà ba makasulat en duun hu Kasuguan nuy sa lalang hu Dios ha tagyanaen, ‘Iyan kaw mga magbabayà’?

Mateo 21:10

Su makauma en si Jesus diyà ta Jerusalem nabibu sa kaet-etawan daw migpainsaay sidan, “Sin-u man hayana?”

Mateo 16:13

Su makauma say Jesus duun hu lugar ha ubay ta Cesarea Filipos ininsaan din sa mga tinun-an din, “Siak sa Batà hu Etaw, sin-u a man duun hu pag-ikagi hu mga etaw?”

Mateo 8:20

Ba tuminubag si Jesus, “Sa laku amin din tagtimaan daw sa mga tagbis amin dan daan mga dalagpuay, ba siak sa Batà hu Etaw hurà ku himlayà.”

Juan 8:28

Aman inikagiyan sidan hi Jesus, “Siak sa Batà hu Etaw ku itaud a duun hu kayu daw ipatangkaw human nuy en kakilala ku sin-u a, daw matun-an nuy en ha hurà ku gayed mahimu hu kanak dà ha gahem ba sa tag-ikagiyen ku iyan gayed su intudlù kanak hu Dios ha Amay ku.

Hebreo 7:24

Ba si Jesus harì gayed agkailisan ta hurà katapusan hu kinabuhì din.