Juan 11:53 - Lalang Hu Dios

⁵³ Sugud taena ha aldaw sa mga labaw ha agalen hu mga Judio nan-ahà hu paagi ha mapatay dan si Jesus.

Juan 11:53 Referans Kwoze

Mga Buhat 9:23

Su malugay en saena ha mga Judio miglalang-lalang ha himatayan dan si Saulo

Mga Buhat 5:33

Su mapaliman haena ku mga labaw ha agalen nangapauk gayed sidan, aman agkabayaan dan en aghimatayi su mga apustulis.

Juan 12:10

Aman pighenà-henà hu mga labaw ha sinaligan hu paghalad ha aghimatayan dan daan si Lazaro

Juan 11:47

Aman sa mga labaw ha sinaligan hu paghalad daw sa mga Parisiyu inamul-amul dan sa alan ha duma dan ha mga labaw ha agalen hu mga Judio. Miglalang-lalang sidan, “In-inuwen taw haena sa etaw ha madakel en sa nabuhat din ha belenganen?

Marcos 14:1

Su daruwa dà paman ha aldaw na iyan en sa pagsaulug hu Aldaw hu Paglabay daw hu Pagkaen hu Supas ha Hurà Duun Igpatulin, sa mga labaw ha sinaligan hu paghalad daw sa mga manunudlù hu Kasuguan nan-ahà hu paagi hu pagdakep ki Jesus ha harì matun-an hu mga etaw ta daw mapatay dan. Ba minikagi sidan,

Marcos 3:6

Su mga Parisiyu namangguwà daw miglalang-lalang sidan hu mga sakup hi Herodes ku in-inuwen dan sa kahimatayi ki Jesus.

Mateo 26:59

Sa mga labaw ha sinaligan hu paghalad daw sa alan ha duma dan ha mga labaw ha agalen hu mga Judio nan-ahà gayed hu mga bidù ha katarengan ta daw mahimatayan dan si Jesus.

Mateo 22:46

Hurà en gayed agpakatubag ki Jesus daw sugud taena ha aldaw hurà en uminamel hu pagpanginginsà kandin.

Mateo 16:21

Sugud taena sinaysay hi Jesus duun hu mga tinun-an din ha kinahanglan dumiyà gayed ta Jerusalem daw mag-antus hu madakel ha mga pasipala hu mga magulang daw hu mga labaw ha sinaligan hu paghalad daw hu mga manunudlù hu Kasuguan, daw pahimatayan dan gayed ba duun hu ikatulu ha aldaw mabanhaw dà.

Mateo 12:14

Su mga Parisiyu namangguwà daw miglalang-lalang sidan ku in-inuwen dan sa kahimatayi ki Jesus.

Mateo 26:4

daw miglalang-lalang sidan ku in-inuwen dan sa pagdakep ki Jesus ha harì matun-an hu mga etaw ta daw mapatay dan.

Juan 7:1

Su maiwas haena duminayun si Jesus duun hu mga banuwa ha sakup ta Galilea. Tinuyù din gayed ha makadiyù diyà ta prubinsya ta Judea ta natun-an din ha aghimatayan diyà hu mga agalen hu Judio.