Juan 11:2 - Lalang Hu Dios

² Saini ha Maria ha agkadaluwan sa suled din ha maama iyan su bahi ha mighudhud hu pahumut duun hu paa hi Jesus daw tarapuwi ta buhuk din.

Juan 11:2 Referans Kwoze

Juan 12:3

Si Maria tuminimù hu nangkabutilya ha mahalen gayed ha lana ha tagngaranan hu nardu, dayun inhudhud din haena diyà ta paa hi Jesus daw tarapuwi ta buhuk din. Nakalekep gayed diyà ta balay sa nadeg taena ha tungkay mahumut.

Marcos 14:3

Su tagkaen si Jesus diyà ta Betania duun hu balay hi Simon ha sanglahen su anay amin bahi ha uminubay diyà ki Jesus. Saena ha bahi tag-uwit hu pahumut ha tungkay mahal ha tagngaranan hu nardu daw intagù duun hu butilya ha alabastru. Ginebà din sa tangeb taena daw ihudhud diyà ta ulu hi Jesus.

Lucas 7:13

Su maahà hi Jesus su bahi ha balu nahid-uwan din aman inikagiyan din, “Harì ka tag-agalà.”

Lucas 7:19

Aman inumaw hi Juan sa daruwa ha sumusunud din daw sugua diyà ki Jesus ha insaan dan, “Iyan kad ba haena su intagnà ha makauma dini ta kalibutan daw ku amin pa ba lain ha pagsalapen day?”

Juan 11:3

Pinaelegan ku daruwa ha bahi si Jesus daw ikagiyi, “Ginuu, agkatungkayan hu dalu sa palanggà nu ha amigu.”

Juan 11:21

Dayun inikagiyan hi Marta si Jesus, “Ginuu, ku dini ka pa ngaay harì gayed matay sa suled ku.

Juan 11:32

Su makauma si Maria diyà ki Jesus sagunà luminuhud duun hu atubangan din ha minikagi, “Ginuu, ku dini ka pa, harì ngaay matay sa suled ku.”

Juan 13:13

Iyan nuy tig-umaw kanak sa Manunudlù daw Ginuu na laus gayed hayana.

Juan 13:14

Iman ta siak sa Ginuu daw Manunudlù nuy migpaubus a hu kaugalingen ku ta hinenawan ku sa mga paa nuy, kinahanglan ha magpahenaw-henawà kaw daan.