Juan 1:27 - Lalang Hu Dios

²⁷ Saena hudiyan dì kanak ba iyan labaw ta bisan sa paghukad hu sapatus din kenà a gayed angayan duun.”

Juan 1:27 Referans Kwoze

Juan 1:30

Iyan haini tagsubayen ku, ‘Amin pa makadini ha labaw dì kanak ta duduun en su hurà a pa ibatà.’

Lucas 3:16

Ba inikagiyan sidan hi Juan, “Diyà a ta wahig agpamautismu inyu ba amin pa makadini ha labaw dì kanak ta bisan sa paghukad hu sapatus din kenà a gayed angayan duun. Sa kandin ha igbautismu iyan sa paulinan kaw kandin hu Balaan ha Ispiritu daw masunug sa madaet diyan ta inyu.

Marcos 1:7

Iyan haini tultulanen din ha tagyanaen, “Amin pa makadini ha labaw dì kanak ta bisan sa paghukad hu sapatus din kenà a gayed angayan duun.

Mateo 3:11

“Diyà a ta wahig agpamautismu inyu ha iyan timaan ha nahinulsulan nuy en sa mga salà nuy. Ba amin pa makadini ha labaw dì kanak ta bisan sa pag-uwit hu sapatus din kenà a gayed angayan duun. Sa kandin ha igbautismu iyan sa paulinan kaw kandin hu Balaan ha Ispiritu daw masunug sa madaet diyan ta inyu.

Juan 1:15

Iyan haini intultul hi Juan duun hu kaet-etawan su umikagi hu madaging ha tagyanaen, “Iyan en haini su tagsubayen ku, ‘Amin pa makadini ha labaw dì kanak ta duduun en su hurà a pa ibatà.’”

Mga Buhat 19:4

Dayun inikagiyan sidan hi Pablo, “Sa intudlù hi Juan iyan sa maghinulsul sa etaw dayun mabautismuwan, daw tinudluan din daan sa kaet-etawan ha tumuu sidan taena ha makauma ha hudiyan dì kandin ha iyan si Jesus.”

Juan 10:41

Madakel sa mga etaw ha duminiyà ki Jesus ta nahenà-henà dan, “Bisan ku hurà belenganen ha nabuhat hi Juan su anay ba sa alan ha inikagi din mahitenged ki Jesus laus gayed.”

Mga Buhat 13:25

Su agkapengahan en sa buluhaten hi Juan inikagiyan din sa mga etaw, ‘Abi nuy gid ha iyan ad su tagsalapen nuy. Ba kenà a iyan ta amin pakadini ha labaw dì kanak ta bisan sa paghukad hu sapatus din kenà a gayed angayan duun.’