Impadayag 21:4 - Lalang Hu Dios

⁴ Awaen hu Dios sa alan ha pakapaguul ta hurà en duun kamatayen, kalugul, pag-agalà daw kasakitan ta saena nangahanaw en.”

Impadayag 21:4 Referans Kwoze

Impadayag 7:17

ta sa Nati ha Karniru duun hu taliwarà ku trunu iyan magbalantay daw iyan daan panulù dan duun ku mga tuburan ha tag-ila hu kinabuhì ha hurà din katapusan. Daw pahiran hu Dios sa alan ha mga pakapaguul kandan.”

1 Corinto 15:26

Sa katapusan ha agdaegen din iyan sa kamatayen.

1 Juan 2:17

Saini ha kalibutan agkahanaw dà daw sa bisan inu ha agkabayaan hu mga etaw duun, ba saena ha matinumanen hu Dios amin din kinabuhì ha harì gayed agkahanaw.

Mateo 24:35

Mahanaw pa sa langit daw sa kalibutan ba sa mga lalang ku harì gayed mahanaw.

Impadayag 21:1

Naahà ku sa bag-u ha langit daw sa bag-u ha kalibutan ta sa nauna ha langit daw sa nauna ha kalibutan nahanaw en, daw hurà en daan dagat.

Impadayag 20:14

Sa kamatayen daw sa banuwa ta Hadis inlambeg en duun hu linaw ha tagkalegdeg, saena iyan en ikaduwa ha kamatayen.

Impadayag 22:3

Sa intungayaw hu Dios hurà en daan duun taena ha banuwa ta duun taena sa trunu hu Dios daw hu Nati ha Karniru. Sa mga suluguen din magsimba kandin.

2 Pedro 3:10

Sa paglikù hu Ginuu agkailing hu takaw ha harì nuy agkatagadan. Duun asem taena ha panahun mahanaw sa kalangitan dengan hu kadaging hu daheneg daw mangasunug sa alan duun, daw sa tibuuk ha kalibutan mabigsulan daan.

1 Corinto 7:31

Sinyu sa tagpahimulus hu mga butang dini ta kalibutan, harì nuy haena iyan ipalabaw duun hu henà-henà nuy ta sa mga butang duun taini ha kalibutan agkahanaw dà.

2 Corinto 6:17

Daw inikagi din daan, “Sumuway kaw duun hu kenà mga tumutuu daw harì kaw en tagbuhat hu madaet dayun dawaten ku gayed inyu.

2 Corinto 5:17

Aman sa etaw ha nakigsabuwa ki Cristo bag-u en ha etaw ta sa daan ha pamatasan din nailisan en hu bag-u.

Hebreo 12:27

Sa kahulugan taena iyan sa ag-awaen din sa alan ha mga tinanghagà. Ta daw iyan dà masamà sa harì en agkakayug.

Impadayag 20:13

Saena ha namamatay diyà ta dagat daw ta bugtà daw ta Hadis nangabanhaw dayun hinukuman sa kada sabuwa sumalà hu binuhat din.