Impadayag 20:11 - Lalang Hu Dios

¹¹ Naahà ku sa labaw daw maputì ha trunu daw sa tagpinuu duun. Sa langit daw sa kalibutan nangahanaw en duun hu atubangan din ta natapus en sa alan.

Impadayag 20:11 Referans Kwoze

Impadayag 21:1

Naahà ku sa bag-u ha langit daw sa bag-u ha kalibutan ta sa nauna ha langit daw sa nauna ha kalibutan nahanaw en, daw hurà en daan dagat.

2 Pedro 3:7

Ba pinaagi daan hu lalang din sa kalangitan daw sa kalibutan intagana din en iman hu hapuy ha iyan aggamiten din hu pagdaet taena duun hu Aldaw hu Paghukum daw silutan sa mga etaw ha harì agtahud hu Dios.

Mateo 25:31

“Siak sa Batà hu Etaw ku lumikù a dini ha tagpangaluanlag duma hu alan ha mga balinsuguen hu Dios minuu a duun hu trunu.

Roma 2:5

Ba tumenged ta madesen sa henà-henà nuy daw harì kaw taghinulsul adagi gayed sa igsilut inyu duun asem taena ha aldaw ha ipadayag sa matareng ha paghukum hu Dios

Mateo 24:35

Mahanaw pa sa langit daw sa kalibutan ba sa mga lalang ku harì gayed mahanaw.

Impadayag 16:20

Sa alan ha mga pulù diyà ta dagat daw sa mga bubungan nangahanaw.

Impadayag 6:14

Sa langit tigkan nahanaw iling hu balasahen ha piglulun sa alan ha bubungan daw sa mga pulù diyà ta dagat nangakahalin.

Impadayag 20:2

Dinakep din su dragun ha iyan sa Yawà ha bunsalagan su anay daw tagngaranan ki Satanas dayun pigkadinahan din seled hu nangkalibu ha tuig.

Impadayag 12:8

ba nadaeg sidan. Aman hurà en tuguti hu Dios ha makaisab pa sidan makadiyà ta langit.

Impadayag 4:2

Sagunà a ginaheman hu Balaan ha Ispiritu daw naahà ku diyà ta langit sa trunu ha amin duun tagpinuu.

Impadayag 19:11

Naahà ku sa langit ha napuwaan daw amin duun maputì ha kabayu ha sa taglulan duun tagngaranan hu Matinumanen daw Kasaligan. Matareng gayed sa paghukum din daw sa pagpakigsabà din.

Mateo 11:22

Ba ikagiyen ku inyu ha asem ku Aldaw hu Paghukum mahagkap dà sa isilut hu Dios taena ha mga etaw diyà ta Tiro daw ta Sidon dì hu inyu.

Impadayag 21:5

Dayun minikagi haena sa tagpinuu duun ku trunu, “Iman bag-uwen kud en sa alan.” Daw inikagiyan a daan kandin, “Isulat nu haini sa agkapaliman nu ta saini kamatuuran daw kasaligan gayed.