Impadayag 11:7 - Lalang Hu Dios

⁷ Ku makapenga sidan manunultul taena ha igpaikagi kandan hu Dios amin pinakahaluhaldek ha mananap ha humiwal duun ku bitu ha tungkay gayed madalem sabaen din daw himatayan haena sa daruwa ha nanunultul.

Impadayag 11:7 Referans Kwoze

Impadayag 13:7

Tinugutan daan haena sa mananap ha sabaen din sa mga etaw hu Dios daw madaeg din sidan. Daw inilahan haena hu kagahem ha iyan magbayà hu bisan inu ha kaliwatan daw bisan hindu ha nasud daw hu bisan inu ha inikagiyan.

Juan 17:4

Dini ta kalibutan dinayè ku ikaw ta napengahan kud sa impabuhat nu kanak.

Lucas 13:32

Ba tuminubag si Jesus, “Ikagiyi si Herodes sa mangingilad ha agbulungen ku pa sa mga dalu daw agbugawen ku pa sa mga busaw ha tuminagù hu mga etaw ta tatulu pa iman ha aldaw daw human ku haini kapengahi.

Impadayag 13:11

Naahà ku sa lain en paman ha mananap ha taghiwal diyà ta bugtà. Amin din daruwa ha sungay ha agkailing hu nati hu karniru daw sa pag-ikagi din agkailing taena ha dragun.

Impadayag 11:3

Agsuguen ku sa daruwa ha manunultul ha magpinaksuy hu saku daw magsaysay sidan hu igpaikagi kandan hu Dios duun hu 1,260 ha aldaw.”

Mga Buhat 20:24

Ba hurà ku isipa ha palanggà sa kinabuhì ku iman ta sa mahinengdanen kanak iyan sa mapengahan ku gayed sa insalig kanak hi Jesus ha Ginuu ha iyan sa pagsangyaw hu Maayad ha Tultulanen mahitenged hu grasya hu Dios.

2 Timoteo 4:7

Dinawat ku sa alan ha mga alantusen isip buutan ha sundalu hi Cristo Jesus, nauma kud sa daeganan daw tagpadayun a iman hu pagtuu.

Juan 19:30

Su mananam din haena minikagi, “Napengahan kud sa buluhaten ku.” Nakalengay-lengay haena dayun nabugtù sa gahinawa din.

Lucas 8:31

Dayun su mga busaw tagpagayukà diyà ki Jesus ha harì sidan ilambeg duun ku bitu ha tungkay gayed madalem.

Impadayag 12:17

Saena ha dragun tungkay gayed agkapauk ku bahi aman iyan din en paman inelegan sa nasamà ha kaliwatan taena ta daw masabà din. Saena ha mga kaliwatan ku bahi, iyan su mga etaw ha matinumanen hu mga sugù hu Dios daw tagpangeseg duun hu kamatuuran ha intudlù hi Jesus.