Impadayag 1:9 - Lalang Hu Dios

⁹ Iyan a si Juan ha suled nuy duun hu pagtuu daw iyan a daan duma nuy duun hu pagpailub hu mga malegen ha alantusen ta sabuwa kuy dà ha tagharian hi Jesus. Sinilutan a iman duun taini ha pulù ta Patmos tumenged hu pagsangyaw ku hu lalang hu Dios daw hu kamatuuran ha intudlù hi Jesus.

Impadayag 1:9 Referans Kwoze

Impadayag 3:10

Tumenged ta matinumanen kaw hu mga sugù ku daw migpailub kaw hu mga alantusen bantayan ku gayed daan inyu ku mauma sa panahun ha sulayen hu tungkay malegen ha alantusen sa alan ha kaet-etawan dini ta tibuuk ha kalibutan.

Mga Buhat 14:22

Pigdasig dan sa mga tumutuu diyà ha harì umendà hu pagtuu ba maniguru gayed. Inikagiyan dan sidan, “Sikuy sa mga tumutuu madakel sa maagiyan taw ha alantusen daw human taw kauma sa tagharian hu Dios.”

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Impadayag 1:2

Aman insulat hi Juan sa alan ha naahà din, saini lalang gayed hu Dios daw kamatuuran ha intudlù hi Cristo Jesus.

Impadayag 13:10

Sa etaw ha iyan maagiyan din sa agdakepen madakep gayed. Sa etaw ha iyan ipatay din sa ispada matay gayed. Aman kinahanglan ha sa mga etaw hu Dios magpailub duun hu mga alantusen daw magmatinumanen gayed kandin.

Filipos 4:14

Ba tagpasalamatan ku daan inyu hu pagbulig nuy kanak duun hu mga kabugus ku.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 7:14

Saena tinubag ku, “Ikagiya nu kanak ta harì ku agkatun-an.” Dayun inikagiyan a kandin, “Sayana ha mga etaw iyan su nakaagi hu pinakahaluhaldek ha kasamukan diyà ta kalibutan. Maputì sa bisti dan ta hinenawan en hu langesa taena ha Nati ha Karniru.

2 Timoteo 1:8

Aman harì ka agkagayhà pagpanunultul mahitenged hu Ginuu taw daw harì a daan ikaw ikagayhà sa naprisu tumenged kandin. Ba pinaagi hu bis-ay ha in-ila ikaw hu Dios dawaten nu daan sa mga alantusen tumenged hu pagsangyaw nu hu Maayad ha Tultulanen

Roma 8:25

Ba tumenged ta hurà pa man katuman sa taghinamen taw kinahanglan ha magmainantusen kuy hu pagpailub taman ha matuman en haena.

Impadayag 14:12

Kinahanglan ha sa mga etaw hu Dios ha tagtuman hu mga sugù din magpailub duun hu mga alantusen daw magmatinumanen daan ki Jesus.

Hebreo 10:36

Ba kinahanglan ha magpailub kaw ta daw matuman nuy sa agkabayaan hu Dios, daw madawat nuy haena sa insaad din,

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

Impadayag 11:7

Ku makapenga sidan manunultul taena ha igpaikagi kandan hu Dios amin pinakahaluhaldek ha mananap ha humiwal duun ku bitu ha tungkay gayed madalem sabaen din daw himatayan haena sa daruwa ha nanunultul.

Roma 8:17

Tumenged ta batà kuy en kandin makaangken kuy gayed taena ha intagana din hu mga batà din daw amin taw daan bahin duun hu intagana din ki Cristo, ta ku makaambit kuy duun hu mga alantusen hi Cristo makaambit kuy daan duun hu pagkagamhanan din.

Impadayag 19:10

Duun taena luminuhud a duun hu atubangan din ta agsimbahen ku ngaay, ba inikagiyan a kandin, “Harì a ikaw iyan agsimbaha ta siak daw sikaw daw sa alan ha nangeseg hu kamatuuran ha intudlù hi Jesus mig-iling kuy dà ha suluguen hu Dios. Iyan nu dà gayed simbahen sa Dios.” Sa kamatuuran ha intudlù hi Jesus iyan daan impaikagi hu Dios taena ha mga prupita din.

Impadayag 12:17

Saena ha dragun tungkay gayed agkapauk ku bahi aman iyan din en paman inelegan sa nasamà ha kaliwatan taena ta daw masabà din. Saena ha mga kaliwatan ku bahi, iyan su mga etaw ha matinumanen hu mga sugù hu Dios daw tagpangeseg duun hu kamatuuran ha intudlù hi Jesus.

Impadayag 6:9

Su maawà en hu Nati ha Karniru su ikalima ha timaan taena ha balasahen naahà ku duun hu sileb taena ha halaran sa mga gimukud hu mga etaw ha pinanhimatayan tumenged ta matinumanen sidan hu pagpanunultul hu lalang hu Dios.

Impadayag 1:4

Iyan a si Juan sa migsulat taini. Sinulatan ku inyu sa pitu ha iglisia hu tagkaamul-amul ha mga tumutuu diyan ta prubinsya ta Asia. Sa Dios daw sa Balaan ha Ispiritu daw si Cristo Jesus mag-ila inyu hu grasya daw kalinaw. Sa Dios duduun en su hurà pa tanghagaa sa bisan inu daw duduun pa iman hangtud hu hurà din katapusan. Daw duun hu atubangan taena ha trunu hu Dios sa Balaan ha Ispiritu tagpadayag hu pagkagamhanan din duun hu pitu ha paagi. Si Cristo Jesus agkasaligan gayed sa mga lalang din daw iyan nauna ha nabanhaw ha hurà en isab patay daw tagharian din daan sa mga harì dini ta kalibutan. Pinalanggà kuy kandin daw pinaagi hu langesa din pinamalas din sa mga salà taw

2 Tesalonica 3:5

Matun-an nuy sa pagpalanggà inyu hu Dios daw magmainantusen kaw daan pinaagi hu pagbulig hi Cristo.

Mateo 20:23

Inikagiyan sidan hi Jesus, “Maagiyan nuy gayed sa malegen ha maul-ulahan iling hu kanak, ba kenà a iyan tagbayà ku sin-u sa makapinuu dini ta kawanan ku daw ta gibang ku ta iyan tagbayà taena sa Amay ku.”

Marcos 10:39

Tuminubag sidan, “Hee, maantus day.” Inikagiyan sidan hi Jesus, “Maagiyan nuy gayed sa malegen ha maul-ulahan iling hu kanak

Mga Buhat 1:15

Amin aldaw ha naamul-amul sa nanggatus daw kaluwaan ha tumutuu. Dayun huminitindeg si Pedro duun hu atubangan dan daw ikagi,

2 Corinto 1:7

Aman kenà duwa-duwa sa pagsalig day inyu ta natun-an day ha ku maantus nuy sa mga tag-antusen day mabuligan kaw daan iling hu kabuligi kanay.

1 Pedro 5:1

Sinyu sa mga agalen hu mga tumutuu, tumenged ta sabuwa a daan ha agalen daw naahà ku gayed sa pag-antus hi Cristo daw makaambit a daan asem hu pagkagamhanan din, aghangyuen ku inyu ha

Impadayag 1:1

Iyan haini impadayag hi Cristo Jesus ha insalig kandin hu Dios ta daw matun-an hu mga etaw din ku inu sa madani en ha maula-ula. Impadayag haini hi Cristo Jesus duun hu suluguen din ha si Juan pinaagi hu balinsuguen hu Dios.

Impadayag 1:6

daw binuhat kuy kandin ha tagharian daw mga sinaligan ha tag-alagad hu Dios ha Amay din. Dayeen gayed si Cristo Jesus sa Harì hu hinangturan.

Impadayag 20:4

Naahà ku daan sa mga trunu ha sa tagpipinuu duun pinan-ilahan hu katenged ha maghukum. Daw naahà ku pa gayed daan sa gimukud ku mga etaw ha pinamungulan tumenged hu pagpanunultul dan hu lalang hu Dios daw hu kamatuuran ha intudlù hi Jesus. Iyan haena sidan hurà simba ku mananap daw taena ha larawan din daw hurà daan kaugsaki sa mga tangad dan daw sa alima dan hu timaan taena ha mananap. Duun taena nangabanhaw sidan daw migharì duma ki Cristo hu nangkalibu ha tuig.