Hebreo 9:15 - Lalang Hu Dios

¹⁵ Aman si Cristo iyan sinaligan hu bag-u ha kasabutan ta daw sa mga hinimu hu Dios ha tumutuu makaangken hu hurà din katapusan ha panalangin ha insaad din kandan. Saini mahimu gayed ta tumenged hu kamatayen hi Cristo nalukat sa mga etaw duun hu alan ha mga salà dan su sakup pa sidan duun ku daan ha kasabutan.

Hebreo 9:15 Referans Kwoze

Roma 8:30

Saena ha daan din en pinilì ha mabuhat ha mga batà din hinimu din sidan ha tumutuu daw binuhat din daan ha matareng gayed ta daw madayè daan sidan ku malugay.

Roma 8:28

Natun-an taw en ha bisan inu sa agkahitabù agbuhaten hu Dios haena ha makapaayad hu tagpalanggà kandin daw napilì sumalà hu katuyuan din.

Hebreo 9:12

Kasabuwa dà si Cristo seled duun taena ha Tungkay Balaan ha Lugar daw hurà daan mag-uwit hu langesa hu mga kambing daw hu mga baka ha ighalad din ba iyan en gayed sa kandin ha langesa daw pinaagi taena linibri kuy kandin hu hurà din katapusan.

Hebreo 10:36

Ba kinahanglan ha magpailub kaw ta daw matuman nuy sa agkabayaan hu Dios, daw madawat nuy haena sa insaad din,

1 Timoteo 2:5

Sabuwa dà sa Dios daw sabuwa dà daan sa taghusay hu etaw duun hu Dios, saena iyan si Cristo Jesus sa migpakaetaw

Hebreo 12:24

Makaamul kaw daan diyà ki Jesus ha iyan sinaligan hu bag-u ha kasabutan hu Dios daw hu kaet-etawan, ta pinaagi hu langesa din napalas sa mga salà nuy. Sa langesa din iyan timaan hu grasya hu Dios kenà iling hu langesa hi Abel su anay ha iyan timaan hu pagpanimales.

Hebreo 7:22

Tumenged taena ha panumpà natun-an taw ha pinaagi ki Jesus labaw gayed sa bag-u ha kasabutan hu Dios daw kaet-etawan.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu

Hebreo 13:20

Sa Dios ha iyan puunaan hu kalinaw mag-ila inyu hu bisan inu ha kinahanglanen pagtuman hu agkabayaan din, daw buhaten din diyan ta inyu sa makapabayà-bayà kandin pinaagi ki Cristo Jesus ha Ginuu taw sa binanhaw din daw nahimu ha bantugan ha magbalantay taw isip ha karniru kuy kandin, ta sa langesa hi Cristo Jesus iyan timaan hu hurà din katapusan ha kasabutan hu Dios daw kaet-etawan. Aman dayeen gayed hu hurà din katapusan.

Roma 5:6

Su anay hurà taw gayed agkahimu ha malibri kuy hu salà, ba duun hu natugun ha panahun si Cristo migpakamatay para hu masinupaken.

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

Hebreo 6:13

Su magsaad sa Dios diyà ki Abraham su anay nanumpà haena pinaagi hu kaugalingen din tumenged ta hurà en lain ha labaw pa dì kandin.

Hebreo 3:1

Mga suled sinyu sa hinimu daan hu Dios ha mga etaw din, henhenaa nuy gayed si Jesus sa apustul ha sinugù hu Dios daw nabuhat ha tungkay labaw ha sinaligan hu mga etaw duun hu Dios sumalà hu tinuuwan taw.

Hebreo 2:14

Tumenged ta sikuy sa mga batà hu Dios, etaw dà, si Jesus migpakaetaw daan ta daw mailing haena kanuy. Binuhat din haena ta daw mabaluy ha magpakamatay daw pinaagi taena madaeg din si Satanas sa iyan puunaan hu kamatayen,

Impadayag 5:9

Migkanta daan sidan hu bag-u ha kalantahen ha tagyanaen, “Iyan ka dà gayed angayan hu pagtimù ku linulun ha balasahen daw pag-awà taena ha impadeket duun ha timaan ta hinimatayan ka daw pinaagi hu langesa nu binawì nu sa mga etaw para hu Dios. Saena ha mga etaw duun napuun hu migkalain-lain ha kaliwatan, mga nasud daw hu alan ha mga inikagiyan.

Hebreo 8:13

Tumenged ta inikagi hu Dios ha amin bag-u ha kasabutan tagpasabut ha sa daan hurà din en pulus, daw natun-an taw ha sa hurà din en pulus agkahanaw dà.

Tito 3:7

ta daw pinaagi hu grasya din nabuhat ki ha matareng, aman tagsalapen ta iman sa katumanan hu kinabuhì ha hurà din en katapusan.

Tito 1:2

daw mahinam dan daan sa kinabuhì ha hurà din katapusan ha insaad kanuy hu Dios su hurà pa tanghagaa sa kalibutan. Sa Dios ha Manluluwas taw harì gayed tagbidù, aman duun hu natugun ha panahun impadayag din haena pinaagi hu pagpanunultul ku hu lalang ha insalig din kanak.

2 Timoteo 2:10

Aman antusen ku sa alan ta daw sa mga pinilì hu Dios makaangken hu kaluwasan pinaagi ki Cristo Jesus daw makaambit daan sidan hu pagkagamhanan ha hurà din katapusan.

Juan 10:28

Ilahan ku daan sidan hu kinabuhì ha hurà din katapusan daw harì en gayed sidan malaag ta hurà en bisan sin-u ha makaagaw kandan dini ta kanak.

Mateo 19:29

Sa alan ha inawaan dan sa mga bugtà, balay, mga suled, mga laas, mga batà dan, tumenged hu pagsunud kanak, bisan iman ha panahun makadawat en gayed hu madakel pa dì taena ha inawaan dan daw maangken dan daan sa kinabuhì ha hurà din katapusan.

1 Juan 2:25

Ta sa insaad kanuy hi Jesus iyan sa kinabuhì ha hurà din katapusan.

1 Pedro 5:10

Ku mapengahan sa mababà ha mga alantusen sa Dios maghimpit inyu daw makapalig-en hu pagtuu nuy ta daw harì kaw madaeg hu bisan inu, ta sa Dios tag-ila hu grasya daw iyan mighimu inyu ha tumutuu ta daw makaambit kaw duun hu hurà din katapusan ha pagkagamhanan hi Cristo.

Santiago 1:12

Malipayen gayed sa etaw ha makaantus hu alan ha pagsulay, ta ku maiwas haena madawat din sa bales ha iyan sa kinabuhì ha hurà din katapusan ha insaad hu Dios duun hu mga etaw ha tagpalanggà kandin.

Hebreo 11:13

Saini ha mga etaw alan pa namamatay daw human katuman sa insaad kandan hu Dios. Ba pighinam dan haini daw pigdawat dan ha bà dà sidan langyaw dini ta kalibutan.

2 Tesalonica 2:14

Binuhat kaw kandin ha mga etaw din pinaagi hu Maayad ha Tultulanen ha insangyaw day inyu ta daw makaambit kaw hu pagkagamhanan hi Cristo Jesus ha Ginuu taw.

Roma 6:23

Ta sa igsuhul hu pakasalà iyan sa kamatayen, ba sa grasya hu Dios iyan sa kinabuhì ha hurà din katapusan pinaagi hu pagpakigsabuwa taw ki Cristo Jesus ha Ginuu taw.

Hebreo 9:16

Ku amin agpanugun mahitenged hu kabilin din kinahanglan ha amin manistigus ha minatay en su nanugun,

2 Corinto 3:6

ta iyan mig-ila kanay hu katatau ha makagsangyaw kay hu bag-u ha kasabutan hu Dios daw hu kaet-etawan ha kenà pinaagi hu Kasuguan ba pinaagi hu Balaan ha Ispiritu. Ta sa Kasuguan taghukum hu silut duun hu etaw ta harì din agkatuman haena, ba sa Balaan ha Ispiritu tag-ila hu kinabuhì ha hurà din katapusan.

Roma 9:24

Saini iyan kuy en sa hinimu din ha tumutuu kenà iyan dà sa mga Judio ba lagkes en daan sa kenà Judio

Roma 5:10

Su anay kuntra kuy hu Dios ba iman pinaagi hu kamatayen hu Batà din nakalikù sa maayad ha pagdapità taw hu Dios, aman natun-an taw ha luwasen kuy gayed kandin pinaagi hu pagkabanhaw din.

Roma 5:8

Ba sa Dios migpadayag gayed hu pagpalanggà din kanuy ta bisan ku makasasalà kuy pa ba si Cristo migpakamatay para kanuy.

Lucas 18:18

Amin agalen hu mga Judio ha nanginginsà ki Jesus, “Maayad ha Manunudlù, inu man sa kinahanglan ha buhaten ku ta daw mailahan a hu kinabuhì ha hurà din katapusan?”

Marcos 10:17

Su aghipanaw en si Jesus amin etaw ha minulalaguy diyà ta kandin daw luhud duun hu atubangan din. Nanginginsà haena, “Maayad ha Manunudlù, inu man sa kinahanglan ha buhaten ku ta daw mailahan a hu kinabuhì ha hurà din katapusan?”

Mateo 25:36

daw su tagkinahanglan a hu pinaksuy inilahan a inyu. Su madaluwan a pigtanul a inyu daw su maprisu a pigbisitahan a inyu.’

Mateo 25:34

“Dayun siak sa Harì umikagi a duun hu mga etaw dini dapit ta kawanan ku, ‘Sinyu sa napanalanginan hu Dios ha Amay ku, dini kaw daw dawata en sa pagharì ku inyu ha inandam kud en inyu sugud dà su tanghagaen sa kalibutan.

Efeso 1:7

Tumenged hu langesa hi Cristo linibri kuy kandin daw napasaylu sa mga salà taw sumalà hu grasya hu Dios kanuy ha harì gayed masukud.

Mateo 22:3

Pinaelegan din sa mga inimbita ha dumiyà en sidan ba namalibad haena.

Lucas 22:20

Su makapenga sidan kumaen in-ila din kandan su tasa daw ikagi, “Iyan en haini langesa ku ha igpamalas hu mga salà nuy ha iyan timaan hu bag-u ha kasabutan hu Dios daw hu kaet-etawan.

Mga Buhat 20:32

“Iman igsalig ku inyu duun hu Dios ta iyan gayed haena magbulig inyu pinaagi hu grasya din ha intudlù ku daw iyan daan magpalig-en hu pagtuu nuy, daw panalanginan kaw daan kandin iling hu duma ha mga etaw din.

Galacia 3:20

Ba su iila hu Dios sa insaad din diyà ki Abraham hurà en hu Dios isalig hu lain ta iyan en gayed migbuhat duun.

Hebreo 6:15

Si Abraham migpailub hu pag-angat taena aman nadawat din gayed su insaad kandin hu Dios.

Hebreo 10:34

Nahid-uwan nuy daan haena sa mga naprisu, daw su agawen dan sa mga butang nuy bà kaw dà nabayà-bayà ta natun-an nuy ha tungkay gayed maayad sa kahimtang nuy asem diyà ta langit duun hu hurà din katapusan.