Hebreo 6:19 - Lalang Hu Dios

^19-20 Malig-en gayed sa paghinam taw taena ha insaad hu Dios tumenged ta si Jesus uminuna en duun hu atubangan hu Dios para kanuy dayun nabuhat ha iyan tungkay labaw ha sinaligan taw hu hurà din katapusan iling ki Melchizedek su anay.

Hebreo 6:19 Referans Kwoze

Hebreo 9:7

Ba saena ha Tungkay Balaan ha Lugar iyan dà pakaseled duun sa tungkay labaw ha sinaligan hu paghalad daw kasabuwa dà daan agseled duun hu nangkatuig ha tag-uwit hu langesa ha ighalad din duun hu Dios para hu kaugalingen din daw hu kaet-etawan tumenged hu pagpakasalà dan.

Hebreo 9:3

Sa dibaluy taena ha in-elang ha manggad tagngaranan hu Tungkay Balaan ha Lugar

Mateo 27:51

Su makepal ha manggad ha in-elang diyà ta Timplu sagunà naliwarà nayahà sugud ta sampaw payanaen ta sagayadan taena. Miglinug daan daw nangabengkag sa mga adagi ha batu.

Colosas 3:1

Tumenged ta nabanhaw kaw duma ki Cristo henhenaen nuy gayed sa mga langitnen ha butang ta diyà en si Cristo tagpinuu hu kawanan hu Dios pagharì.

2 Timoteo 2:19

Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

Mga Buhat 27:29

Nahaldek sidan ku makasagyad haena sa barku duun hu batu aman linened dan sa haepat ha angkla diyà ta kahudiyanan ta ima dan ngaay ha agkaaldaw en.

Roma 4:16

Aman binuhat hu Dios ha madawat taw sa insaad din pinaagi dà gayed hu pagtuu taw ta daw mahimu haena tumenged hu grasya din kenà tumenged hu mga maayad ha buhat. Aman alan kuy sa mga kaliwatan hi Abraham makadawat hu insaad hu Dios, kenà iyan dà sa mga Judio ha nasakup hu Kasuguan ta lagkes en daan sa alan ha amin din pagtuu iling ki Abraham. Si Abraham iyan nabuhat ha amay hu alan ha tumutuu

Mga Buhat 27:40

Pinanamped dan su pisì ha inhiket ku angkla daw inawaan dan haena. Hinukad dan daan su pisì ha imbangget taena ha bansalan ta daw magamit su bansalan hu pagwaling taena ha barku. Dayun intaud dan su layag diyà ta unahan ta daw mauwit haena hu kalamag diyà ta baybay.

Hebreo 4:16

Aman harì taw ikagayhà sa pag-ubay duun hu Dios pinaagi hu pag-ampù ta daw mahid-uwan kuy kandin daw ipaahà din kanuy sa grasya din duun hu bisan inu ha panahun ha kinahanglanen taw sa bulig din.

Efeso 2:6

Daw pinaagi hu pagpakigsabuwa taw ki Cristo Jesus impagharì kuy daan duma kandin diyà ta langit

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

Mga Buhat 23:6

Tumenged ta natun-an hi Pablo ha sa duma kandan mga Saduceo daw sa duma mga Parisiyu minikagi haena hu madaging, “Mga suled, Parisiyu a daan daw bisan sa mga gin-apuan ku Parisiyu gayed. Sa hinengdan ha agbistigahen a iman iyan sa pagtuu ku ha sa mga namamatay en mabanhaw dà.”

Roma 4:18

Duun taena ha panahun bà su harì gayed mabaluy sa insaad hu Dios diyà ki Abraham ha iyan mabuhat ha amay hu mga kaet-etawan dini ta kalibutan. Ba tinuuwan din sa inikagi kandin hu Dios ha dumakel gayed sa mga kaliwat din.

Roma 5:4

daw iyan haini agkabayà-bayaan hu Dios, aman pinaagi taena amin taw adagi ha hinam

1 Corinto 13:13

Iman amin tatulu ha harì gayed agkahanaw. Saena iyan sa pagtuu taw hu Dios, sa paghinam taw hu insaad din kanuy daw sa pagpalanggà taw hu mga duma taw. Ba sa labaw gayed duun taini iyan sa pagpalanggà taw hu mga duma taw.

Colosas 1:27

Sa katuyuan hu Dios iyan sa pagpadayag kanuy hu belenganen ha paagi din duun hu kenà mga Judio. Saena ha inlilung iyan sa dini en ta kanuy si Cristo daw pinaagi taini amin madagway ha tagsalapen taw diyà ta langit.

1 Pedro 1:3

Dayeen sa Dios ha iyan Amay hi Cristo Jesus ha Ginuu taw. Tumenged hu adagi ha kahid-u din kanuy in-isab kuy imbatà pinaagi hu pagbanhawa din ki Cristo Jesus. Aman iman amin taw adagi ha hinam