Hebreo 10:28 - Lalang Hu Dios

²⁸ Su anay sa etaw ha pakasupak hu Kasuguan hi Moises harì en gayed agkahid-uwan ta aghimatayan haena ku amin daruwa daw ku tatulu ba ha tistigus.

Hebreo 10:28 Referans Kwoze

Hebreo 2:2

Ta ku malig-en man sa Kasuguan ha impadayag hu mga balinsuguen hu Dios, duun hu mga gin-apuan taw daw matareng gayed sa pagsilut kandan sumalà hu nasupak dan,

2 Corinto 13:1

Iyan en haini ikatulu ha pagdiyan ku ta inyu. Ku amin diyan ta inyu taghenà-henà ha magsumbung kinahanglan ha amin din daruwa daw ku tatulu ba ha mga tistigus.

Juan 8:17

Nakasulat duun hu Kasuguan nuy sa tagyanaen, ‘Malig-en gayed sa pagpanistigus hu daruwa ha etaw.’

Mateo 18:16

Ba ku harì ka kandin palimanan tumimù ka hu sabuwa daw ku daruwa ba ha makapanistigus taena ha inikagi nu diyà ta kandin, ta ku amin sumbung kinahanglan gayed ha amin daruwa daw ku tatulu ha makapanistigus taena.

Santiago 2:13

Sa Dios hurà din en gayed kahid-u hu etaw ha hurà din daan kahid-u hu duma din, ba saena ha agkahid-u hu duma din harì gayed agkahaldek ha mahukuman.

Roma 9:15

ta inikagi din diyà ki Moises, “Iyan a tagbayà ku sin-u sa palanggaen ku daw mahid-uwan ku.”

Hebreo 12:25

Mag-andam kaw gayed ha harì kaw makasupak hu lalang hu Dios. Ku sinilutan hu Dios sa mga etaw su anay tumenged ta hurà sidan magpaliliman ki Moises, labaw pa gayed sa igsilut kanuy hu Dios ku harì taw pagpalilimanan sa tag-ikagiyen din diyà ta langit.