Galacia 1:1 - Lalang Hu Dios

^1-2 Iyan a si Pablo ha apustul sa migsulat taini duma hu alan ha mga suled taw duun hu pagtuu. Sa katenged ku hu pagkaapustul kenà pinaagi hu etaw ha pagpilì ta sa migpilì kanak iyan si Cristo Jesus daw sa Dios ha Amay taw ha iyan migbanhaw kandin. Sinulatan day inyu sa mga punduk hu tagkaamul-amul ha mga tumutuu diyan ta prubinsya ta Galacia.

Galacia 1:1 Referans Kwoze

1 Corinto 1:1

Iyan a si Pablo sa pinilì hu Dios ha apustul hi Cristo Jesus sa migsulat taini duma ki Sostenes sa suled taw duun hu pagtuu.

Roma 1:1

Iyan a si Pablo sa migsulat taini. Suluguen a hi Cristo Jesus daw pinilì a hu Dios ha apustul hu pagsangyaw hu Maayad ha Tultulanen. Sa Maayad ha Tultulanen insaad hu Dios su anay duun hu insulat ha lalang din pinaagi hu mga prupita.

Efeso 3:8

Bisan pa ku pinakaminus ad en duun hu mga etaw hu Dios ba pinilì a kandin hu pagsangyaw duun hu kenà mga Judio hu Maayad ha Tultulanen mahitenged hu harì mategkad ha panalangin ha ig-ila hi Cristo.

2 Corinto 1:1

Iyan a si Pablo sa pinilì hu Dios ha apustul hi Cristo Jesus sa migsulat taini duma ki Timoteo sa suled taw duun hu pagtuu. Sinulatan day inyu sa tagkaamul-amul ha mga tumutuu diyan ta Corinto daw duun hu alan ha mga etaw hu Dios diyan ta prubinsya ta Acaya.

2 Timoteo 1:1

Iyan a si Pablo sa migsulat taini. Apustul a hi Cristo Jesus ha pinilì hu Dios pagpanunultul mahitenged hu kinabuhì ha insaad din pinaagi ki Cristo Jesus.

Roma 10:9

ku ikagiyen nuy ha si Jesus iyan Ginuu nuy daw tumuu kaw daan ha saena binanhaw hu Dios maluwas kaw gayed.

Mga Buhat 22:10

“Duun taena nanginginsà a, ‘Ginuu, inu man sa buhaten ku?’ “Tuminubag sa Ginuu, ‘Hitindeg ka daw dayun ka diyà ta Damasco ta diyà ag-ikagiyen sa igpabuhat ikaw hu Dios.’

Mga Buhat 9:6

Bangun ka daw diyà ka tayà ha banuwa ta amin diyà magtudlù ikaw hu kinahanglan ha buhaten nu.”

Impadayag 2:8

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Esmirna, ‘Iyan a su puunaan daw sa katapusan hu alan. Minatay ad en ba nabanhaw a dà. Taini sa mga lalang ku inyu.

Impadayag 1:18

Migpakamatay a su anay ba iman bubuhay ad en hu hinangturan daw iyan a sinaligan hu kamatayen daw amin ku kagahem diyà ta Kamatayan.

1 Pedro 1:21

Pinaagi kandin nakatuu kaw duun hu Dios ha iyan migbanhaw ki Cristo daw inlikù diyà ta kandin sa pagkagamhanan din su anay. Aman sa pagsalig nuy daw sa taghinamen nuy iman iyan dà gayed sa Dios.

Hebreo 13:20

Sa Dios ha iyan puunaan hu kalinaw mag-ila inyu hu bisan inu ha kinahanglanen pagtuman hu agkabayaan din, daw buhaten din diyan ta inyu sa makapabayà-bayà kandin pinaagi ki Cristo Jesus ha Ginuu taw sa binanhaw din daw nahimu ha bantugan ha magbalantay taw isip ha karniru kuy kandin, ta sa langesa hi Cristo Jesus iyan timaan hu hurà din katapusan ha kasabutan hu Dios daw kaet-etawan. Aman dayeen gayed hu hurà din katapusan.

Galacia 1:17

daw hurà a daan makig-ahà hu nauna dì kanak ha mga apustulis diyà ta Jerusalem. Ba sagunà a duminiyà ta Arabia dayun human a luminikù diyà ta Damasco.

Roma 14:9

Si Cristo Jesus minatay daw nabanhaw ta daw mabuhat ha Ginuu hu mga tumutuu ha minatay en daw hu bubuhay pa.

Juan 20:21

Dayun inikagiyan sidan hi Jesus, “Magmalinawen kaw en. Iling ha sinugù a hu Dios ha Amay ku agsuguen ku daan inyu hu pagpanunultul mahitenged kanak.”

Juan 10:30

Siak daw sa Amay ku sabuwa kay dà.”

Juan 5:19

Inikagiyan sidan hi Jesus, “Laus gayed sa ag-ikagiyen ku inyu ha siak sa Batà hu Dios hurà ku gayed mahimu hu kanak dà ha gahem. Iyan dà agkabuhat ku sa naahà ku ha binuhat hu Amay ku, aman sa tagbuhaten din iyan daan agbuhaten ku.

Mga Buhat 3:15

Pinahimatayan nuy sa tag-ila hu kinabuhì ba binanhaw dà haena hu Dios daw naahà day.

Galacia 1:15

Ba tumenged hu grasya hu Dios pinilì a kandin ha suluguen din bisan su hurà a pa ibatà.