Filipos 4:8 - Lalang Hu Dios

⁸ Iman mga suled, ag-ikagiyen ku pa haini inyu ha kinahanglan ha henhenaen nuy sa alan ha mga maayad gayed daw sa angayan hu pagdayè iling hu alan ha mga laus daw saena ha agkatahuran, sa bisan inu ha matareng daw sa alan ha mahimpit, sa igkabayà-bayà daw sa tagdayeen hu etaw.

Filipos 4:8 Referans Kwoze

Santiago 3:17

Ba sa etaw ha sa katatau din napuun duun hu Dios mahimpit gayed sa henà-henà din daw malinawen sa pagdapità din duun hu mga duma din, matinahuren gayed daw malumu ha aglalangen, mahid-uwen daan daw sa buhat din pulus maayad, hurà din igpalabi daw harì bà dà tagpasibù-sibù.

Tito 2:7

Kinahanglan iyan ka sampitan diyà ta kandan pinaagi hu pagbuhat nu hu maayad. Ku tagtudlù ka kinahanglan matul-id sa tigtudlù nu ha amin duun kaligdeng,

2 Corinto 8:21

ta sa tuyù day iyan gayed sa buhat ha maayad duun hu Dios daw duun hu etaw.

Galacia 5:22

Ba agkakilala taw daan sa tagbayaan hu Balaan ha Ispiritu ta amin din pagpalanggà duun hu mga duma din daw dayun dà malipayen daw malinawen daan, mapailuben daw mahid-uwen, buutan daw matinumanen,

1 Pedro 2:12

Kinahanglan ha sa pamatasan nuy maayad gayed ta daw bisan ku butang-butangan kaw hu kenà mga tumutuu ba maahà dan sa maayad ha buhat nuy dayun madayè dan sa Dios asem ku aldaw hu pagbulus din duun hu kaet-etawan.

Hebreo 13:18

Ampui kay gayed inyu. Nasiguru day ha hurà gayed makasaway hu buluhaten day ta sa katuyuan day iyan dà sa pagbuhat hu maayad.

1 Timoteo 4:12

Bisan pa ku batan-en ka pa ba kinahanglan angayan ka gayed tahuran hu bisan sin-u. Mabuhat ka gayed ha sampitan hu mga tumutuu pinaagi hu pag-ikagi daw batasan ha maayad, duun hu pagpalanggà hu bisan sin-u, hu pagsalig ki Cristo Jesus daw hu pagkahimpit nu.

Efeso 5:9

ta sa tagbuhaten hu etaw ha duun taghipanaw hu mapawà maayad daw matareng gayed sumalà hu kamatuuran.

Tito 1:8

Ba kinahanglan ha matanul gayed hu langyaw, babayaen din sa pagbuhat hu maayad, maligdeng, matareng, mahimpit daw tagpugung daan hu kaugalingen din.

1 Juan 3:3

Sa etaw ha tagsalap hu paglikù din taghimpit gayed hu kaugalingen din iling ha mahimpit si Jesus.

1 Pedro 1:22

Iman nahimpit kaw en pinaagi hu pagkamatinumanen nuy hu kamatuuran ta daw laus gayed sa pagpalanggà nuy duun hu mga duma nuy. Aman ipaiseg gayed sa pagpinalanggaay nuy

Tito 3:14

Tudlui nu sa mga etaw ha maniguru sidan magbuhat hu maayad ta daw mabuligan dan haena sa taglised. Ku buhaten dan haena mapuslanen gayed sidan.

Roma 13:13

Kinahanglan ha buhaten taw gayed sa matareng ha pamatasan ta iyan haena angayan duun hu kapawaan, daw harì taw buhaten sa pinakagalugayhà daw sa pagpasibeleng, sa pagbuhat hu malaw-ay daw hu mahugaw, sa pagpakigsabà daw sa kasina.

Santiago 1:27

Sa etaw ha laus sa pagtuu din tagpadiyù duun hu mga madaet dini ta kalibutan daw tagbuhat haini hu maayad iling hu pagtanul taena ha mga ilu daw mga balu ha tagkalised-lised, ta iyan haini agkabayà-bayaan hu Dios ha Amay taw.

1 Juan 3:18

Pinalanggà ku ha mga batà, kinahanglan ha sa pagpinalanggaay taw kenà duun dà hu lalang ba maahà gayed pinaagi hu buhat.

Tito 2:2

Tudlui sa mga laas ha maama ha magtigel sidan pag-inum daw iyan dan buhaten sa ikatahuri kandan hu mga etaw, magpugung daan sidan hu kaugalingen daw sa pagtuu dan matul-id gayed, amin dan laus ha pagpalanggà hu mga duma dan daw magmainantusen gayed sidan.

2 Corinto 13:7

Iyan day tig-ampù duun hu Dios ha harì kaw magbuhat hu madaet. Hurà kay mag-ampù taena ta daw maahà ha amin day katenged, ta sa mahinengdanen iyan sa mabuhat nuy gayed sa matareng bisan ku inisip kay iman ha hurà day katenged.

Colosas 4:5

Mag-andam kaw hu pamatasan nuy duun hu kenà mga tumutuu. Ku amin nuy higayun tudlui daan sidan

1 Pedro 4:8

Labaw hu alan siguruwan nuy gayed sa pagpinalanggaay nuy, ta sa laus ha pagpalanggà pakatambun hu salà.

Roma 13:3

Sa etaw ha tagbuhat hu matareng harì gayed agkahaldek hu mga agalen, ba saena ha tagbuhat hu madaet tagkahaldekà gayed. Aman ku agkabayà kaw ha harì kaw magkahaldekà buhaten nuy gayed sa maayad ta daw madayè kaw kandan

Tito 2:14

ha migpakamatay para kanuy ta daw malibri kuy duun hu pagkaulipen taw hu salà, daw aghimpiten kuy kandin ta daw mabuhat kuy ha mga etaw din ha madasigen pagbuhat hu maayad.

Filipos 3:1

Mga suled, ag-ikagiyen ku pa haini inyu ha magmalipayen kaw gayed tumenged hu pagpakigsabuwa nuy hu Ginuu. Harì a agkapedaan hu pagsublì-sublì hu mga salambagan ku ta saini makapalig-en gayed inyu.

Roma 2:29

ta sa laus ha Judio iyan haena sa inulinan hu Balaan ha Ispiritu daw kenà pinaagi hu pagtuman hu Kasuguan. Sa etaw ha iling taena kenà etaw dà sa tagdayè kandin ba iyan daan sa Dios.

1 Timoteo 2:2

I-ampu taw daan sa mga harì daw sa panggubirnuhan ta daw maangken taw sa kalinaw duun hu pagtimà daw harì maelangan sa pagsimba taw hu Dios daw sa pagbuhat hu matareng.

1 Timoteo 5:10

Nakilala en ha maayad sa mga buhat din ta inalimahan din gayed sa mga batà daw matanul daan hu mga langyaw, mapainubsanen pagbulig hu mga tumutuu daw agbuligan din daan sa taglised daw iyan din dà gayed tagbuhaten sa maayad.

Efeso 6:14

Iling hu mga sundalu kinahanglan ha mangandam kaw gayed. Ibakes nuy sa kamatuuran daw isul-ub nuy sa limbutung ha iyan sa pagkamatareng.

1 Tesalonica 4:12

Ku buhaten nuy haini matahuran kaw hu kenà pa mga tumutuu daw harì kaw daan makagsalig hu duma nuy mahitenged hu inyu ha mga kinahanglanen.

Efeso 4:25

Aman endai en sa pagbidù ta kinahanglan ha sa pag-ikagi nuy duun hu duma na laus gayed.

2 Corinto 6:8

Usahay agdayeen kay ba usahay agpagagayhaan kay. Usahay madaet sa tultul mahitenged kanay ba usahay maayad daan. Tag-ikagiyen dan ha limbungan kay bisan ku harì kay gayed tagbidù.

Mga Buhat 10:22

Tuminubag sidan, “Sinugù kay dini hu kapitan hu sundalu ha si Cornelio sa matareng daw masinimbahen hu Dios daw tinahud daan hu alan ha mga Judio. Inikagiyan haena hu balinsuguen hu Dios ha paelegan ka kandin ta daw mapalimanan din sa ag-ikagiyen nu.”

Juan 7:18

Sa etaw ha kandin dà ha henà-henà sa tigtudlù din agkabayà ha dayeen hu mga etaw, ba sa etaw ha agkabayà ha iyan dayeen sa migsugù kandin saena agkasaligan sa tigtudlù din ta hurà duun bidù.

Lucas 2:25

Amin etaw diyà ta Jerusalem ha tagngaranan ki Simeon saena matareng daw masinimbahen daw tag-angatà hu paglibriya hu mga kaliwatan hi Israel. Inulinan haena hu Balaan ha Ispiritu

Marcos 6:20

tumenged ta si Herodes agkahaldek ki Juan daw pinabantayan din haena ta natun-an din ha matareng si Juan daw suluguen hu Dios. Su mapaliman hi Herodes si Juan nalibeg sa henà-henà din ba agkabayaan din daan tagpalilimani.

Lucas 16:15

Ba inikagiyan sidan hi Jesus, “Tagpabantug kaw ngaay hu mga etaw ba natun-an hu Dios sa mga henà-henà nuy. Sa tagtuuwan hu mga etaw ha iyan mapuslanen dini ta kalibutan saena agtambagan hu Dios.

1 Corinto 4:5

Harì kaw gayed maghukum hu bisan sin-u hangtud ha makalikù sa Ginuu hu paghukum kanuy. Duun asem taena ha natugun ha panahun igpadayag din sa alan ha inheles bisan sa mga katuyuan iman hu etaw. Dayun sa kada sabuwa dayeen hu Dios sumalà hu binuhat din.

Mga Buhat 22:12

“Amin diyà etaw ha tagngaranan ki Ananias ha matinumanen gayed hu Kasuguan daw nadayè hu alan ha mga Judio ha tagtimà diyà.

1 Juan 4:1

Pinalanggà ku ha mga suled, harì kaw sagunà dà agtuu hu bisan inu ha igtudlù inyu hu mga etaw ha tag-ikagi ha inulinan sidan hu Balaan ha Ispiritu, ba unahen nuy susiyen haena ku duun ba napuun hu Dios ta nakalekep en iman dini ta kalibutan sa mga biduen ha manunudlù.

1 Timoteo 5:2

Iling daan sa mga laas ha bahi sambagi sidan isip ha inay nu. Daw sa mga batan-en pa dì sikaw ha bahi sambagi nu iling ha mga suled daw kinahanglan ha malimpyu sa henà-henà nu kandan.

Lucas 23:50

Amin etaw ha tagngaranan ki Jose ha taga-Arimatea ha sakup ta Judea. Saena matareng gayed ha etaw ha tagsalap hu pagharì hu Dios daw sabuwa daan duun taena ha labaw ha agalen ba hurà hu kandin uyun ha himatayan si Jesus.

1 Timoteo 3:4

daw maayad daan mag-uwit hu pamilya din na sa mga batà din daan matinumanen daw matinahuren kandin,

Mga Buhat 6:3

Aman mga suled, magpilì kaw hu pitu ha etaw diyan ta inyu ha nakilala ha maalam daw inulinan gayed hu Balaan ha Ispiritu. Iyan taw sidan agsaligan taini ha pagpan-ila

Mateo 22:16

Aman sinugù dan diyà ki Jesus sa mga sakup dan daw sa mga sakup hi Herodes. Dayun saena sidan uminikagi diyà ki Jesus, “Manunudlù, natun-an day ha matareng ka gayed daw iyan nu dà tigtudlù sa kamatuuran mahitenged hu Dios. Harì ka agkauwit hu mga henà-henà hu mga etaw ta hurà nu kandan igpalabi.

Hebreo 11:2

Tumenged hu pagtuu sa mga gin-apuan taw nadayè sidan hu Dios.

1 Timoteo 3:11

Iling daan sa mga igbahi hu mga diyakunu kinahanglan ha angayan sidan tahuran daw harì tagpandaet hu dengeg, ba magpugung sidan hu kaugalingen dan daw agkasaligan gayed hu bisan inu.

2 Corinto 8:18

Igpaduma day kandin diyan sa sabuwa ha suled taw ha dinayè hu mga tumutuu duun hu alan ha mga banuwa tumenged hu pagsangyaw din hu Maayad ha Tultulanen.

2 Pedro 3:1

Pinalanggà ku ha mga suled, iyan haini ikaduwa ha sulat ku diyan ta inyu. Iyan tuyù ku duun hu mga sulat ku ha madasig kaw hu paghenà-henà hu maayad.

Roma 14:18

Ku buhaten taw haena isip ha suluguen kuy hi Cristo makapabayà-bayà kuy gayed hu Dios daw matahuran kuy daan hu mga etaw.