Filipos 4:1 - Lalang Hu Dios

¹ Iman mga suled, pangesegi gayed sa pagtuu nuy hu Ginuu sinyu sa pinalanggà daw agkabulungan ku tumenged ta iyan kaw iman igkabayà-bayà ku daw iyan kaw daan bales hu buluhaten ku.

Filipos 4:1 Referans Kwoze

Filipos 1:27

Ba kinahanglan ha sa pamatasan nuy angayan gayed hu Maayad ha Tultulanen mahitenged ki Cristo ta daw ku makadiyan a daw ku harì, mapaliman ku ha malig-en gayed sa pagtuu nuy ta nasabuwa kaw ha madasigen duun hu paglaban hu Maayad ha Tultulanen

1 Corinto 16:13

Mag-andam kaw gayed daw lig-eni sa pagtuu nuy. Harì kaw agkahaldek ba ipaahà nuy ha mabis-ay kaw gayed duun hu pagtuu.

Filipos 2:16

pinaagi hu pagpanunultul nuy kandan hu lalang hu Dios ha tag-ila hu kinabuhì. Ku buhaten nuy haini makapasigalbu ku asem inyu ku lumikù si Cristo ta sa pagpaniguru ku hu mga buluhaten ku diyan ta inyu namunga gayed.

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

Filipos 1:8

Natun-an hu Dios ha agkabulung a gayed ta sa pagpalanggà ku inyu agkailing daan hu pagpalanggà inyu hi Cristo Jesus.

Hebreo 10:23

Harì kuy gayed magduwa-duwa ba pangesegan taw haena sa taghinamen taw ta natun-an taw en ha matinumanen gayed sa Dios hu insaad din kanuy.

Roma 2:7

Saena ha agpaniguru gayed hu pagbuhat hu maayad ta iyan dan taghenhenaen ha dayeen sidan hu Dios daw ipatangkaw sidan hu hurà din katapusan, mailahan sidan hu kinabuhì.

Juan 8:31

Inikagiyan hi Jesus sa mga Judio ha tuminuu kandin, “Ku padayunen nuy sa intudlù ku inyu iyan kaw en laus ha mga sumusunud ku.

2 Timoteo 2:1

Sikaw sa batà ku duun hu pagtuu, paniguru ka pinaagi hu grasya ha in-ila ikaw hi Cristo Jesus.

Filipos 2:26

Agkabulung en inyu daw nabugus daan tumenged ta napaliman nuy ha nadaluwan.

Mga Buhat 11:23

Su makauma haena diyà naahà din sa pagpanalangin hu Dios kandan aman nabayà-bayà gayed. Pigdasig din ha maniguru gayed sidan daw harì umendà hu pagtuu duun hu Ginuu.

Mga Buhat 2:42

Sigi dà gayed mig-amul-amul sa mga tumutuu hu pagpaliliman taena ha intudlù kandan hu mga apustulis daw hu pagkaen, hu paghenà-henà taena ha kamatayen hi Jesus daw hu pag-ampù.

2 Pedro 3:17

Aman pinalanggà ku ha mga suled, tumenged ta natun-an nuy en haini magbantay kaw gayed ha harì kaw mauwit hu mga bidù taini ha mga masinupaken ha manunudlù daw harì kaw malaag duun hu laus ha pagtuu.

Hebreo 4:14

Pangesegan taw gayed sa pagtuu taw tumenged ta amin taw gamhanan daw tungkay labaw ha sinaligan duun hu atubangan hu Dios ha iyan si Jesus sa Batà din.

Hebreo 3:14

Ku padayunen nuy sa pagsalig ki Cristo hangtud en hu katapusan masabuwa kuy diyà ta kandin.

2 Tesalonica 2:15

Aman mga suled, paniguru kaw gayed duun hu pagtuu daw pangesegi nuy sa kamatuuran ha intudlù day inyu pinaagi hu pag-ikagi daw bisan duun hu mga sulat day diyan ta inyu.

Colosas 4:12

Agpangamusta daan inyu si Epafras ha tagadiyan daan ta inyu daw suluguen hi Cristo Jesus. Saini agpaniguru tag-ampù ha gumulang sa pagtuu nuy daw matun-an nuy gayed sa agkabayaan hu Dios mahitenged inyu.

Galacia 5:1

Iman nalibri kuy en hi Cristo hu pagkaulipen duun hu Kasuguan. Aman maniguru kaw iman ta daw harì kaw en maisab maulipen.

Mga Buhat 14:22

Pigdasig dan sa mga tumutuu diyà ha harì umendà hu pagtuu ba maniguru gayed. Inikagiyan dan sidan, “Sikuy sa mga tumutuu madakel sa maagiyan taw ha alantusen daw human taw kauma sa tagharian hu Dios.”

1 Tesalonica 3:13

daw ipalig-en din daan sa pagtuu nuy ta daw mahimpit kaw daw hurà ikasaway inyu duun hu atubangan hu Dios ha Amay ku lumikù asem si Jesus ha Ginuu taw duma hu alan ha mga etaw din.

Mateo 10:22

Kuntrahen kaw hu kaet-etawan tumenged kanak, ba sa harì umendà hu pagtuu hangtud hu katapusan mailahan hu kinabuhì ha hurà din katapusan.