Filipos 2:10 - Lalang Hu Dios

¹⁰ ta daw ku mapaliman sa ngaran hi Jesus sumimba kandin sa alan ha diyà ta langit daw dini ta kalibutan daw bisan pa sa diyà ta Kamatayan,

Filipos 2:10 Referans Kwoze

Mateo 28:18

Dayun uminubay si Jesus diyà ta kandan daw minikagi “In-ila kanak sa kagahem hu pagharì diyà ta langit daw dini ta kalibutan.

Hebreo 1:6

Ba su ipadini hu Dios sa gamhanan ha Batà din ta kalibutan minikagi haena, “Sa alan ha mga balinsuguen ku sumimba gayed kandin.”

Efeso 3:14

Ku agkahenà-henà ku ku inu kaadagi haini sa henà-henà hu Dios, tag-ampù a gayed diyà ta kandin sa inisip hu alan ha mga tumutuu ha Amay dan ku dini pa sidan ta kalibutan daw ku diyà en ba sidan ta langit.

Impadayag 4:10

su kaluwaan daw haepat ha mga magulang agpamanluhud duun hu atubangan hu Dios ha bubuhay hu hinangturan hu pagsimba kandin. Ig-ugsak dan daan sa mga kuruna duun hu atubangan taena ha trunu hu kagi dan,

Efeso 1:10

Saena ha nahenà-henà din ha agtumanen duun hu natugun ha panahun iyan si Cristo sa ipagharì duun hu alan diyà ta langit daw dini daan ta kalibutan.

Mateo 27:29

Tuminimù daan sidan hu gawed ha dugiyen ha binangkulà daw insuup dan diyà ta ulu hi Jesus. Dayun impabalabad dan sa kawanan ha alima din hu sugkud daw luminuhud sidan diyà ta kandin hu pagtameyes kandin ha naman-ikagi, “Mabuhì sa Harì hu mga Judio.”

Impadayag 20:13

Saena ha namamatay diyà ta dagat daw ta bugtà daw ta Hadis nangabanhaw dayun hinukuman sa kada sabuwa sumalà hu binuhat din.

Efeso 4:9

Sa inikagi, “luminigtu diyà ta langit” tagpasabut ha nakalugnà su anay dini ta kalibutan daw diyà daan ta Kamatayan.

Roma 11:4

Ba sa Dios tuminubag kandin ha tagyanaen, “Kenà ka iyan dà ta amin pa pitu ha libu ha mga etaw ku ha hurà daan simba ki Baal.”

Mateo 12:40

ta si Jonas linam-ed hu adagi ha sedà ba duun hu tatulu ha aldaw imbula dà. Siak sa Batà hu Etaw makaduun a daan hu alima hu kamatayen ba sugud taena payanaen hu tatulu ha aldaw mabanhaw a dà.

Impadayag 5:3

Ba hurà gayed bul-ug angayan ha makabekal taena ha balasahen daw magbasa duun bisan diyà ta langit daw dini ta kalibutan daw diyà ta Kamatayan.