Efeso 5:21 - Lalang Hu Dios

²¹ Magmatinumanen kaw duun hu kada sabuwa inyu tumenged hu pagtahud nuy ki Cristo.

Efeso 5:21 Referans Kwoze

Filipos 2:3

Bisan inu sa buhaten nuy kinahanglan ha kenà tumenged hu pagkaagapan hu pag-uswag daw ku pagpagalbu ba hu kaugalingen nuy, ba kinahanglan ha magpaubus kaw daw isipa ha sa mga duma nuy labaw gayed dì inyu.

Efeso 5:24

Iling daan ha sa mga tumutuu matinumanen ki Cristo Jesus kinahanglan ha sa mga igbahi magmatinumanen duun hu igmaama dan.

Efeso 5:22

Sinyu sa mga igbahi, magmatinumanen kaw duun hu mga igmaama nuy isip ha iyan sa Ginuu tagtumanen nuy.

1 Pedro 5:5

Sinyu daan sa mga batan-en pa, magmatinumanen kaw hu mga magulang. Alan kaw magpaubus duun hu mga duma nuy ta sa insulat ha lalang hu Dios tagyanaen, “Agsupaken hu Dios sa tagpalabaw-labaw ba agbuligan din sa tagpaubus.”

Hebreo 13:17

Tumanen gayed sa mga agalen nuy daw tahura ta iyan sidan tag-alima inyu duun hu pagtuu daw iyan daan sidan agpanubag duun hu Dios ku pig-inu-inu dan sa katumana hu katengdanan dan. Magmatinumanen kaw kandan ta daw malipayen sidan duun hu buluhaten dan, ta ku harì kaw magtuman luyahan sidan daw sa mga buhat dan harì magpulus inyu.

1 Pedro 2:17

Magmatinahuren kaw duun hu bisan sin-u daw palanggaa nuy sa suled nuy duun hu pagtuu. Kahaldeki nuy sa paghukum hu Dios daw tahuri nuy gayed sa harì.

1 Timoteo 3:4

daw maayad daan mag-uwit hu pamilya din na sa mga batà din daan matinumanen daw matinahuren kandin,

Galacia 5:13

Mga suled, hinimu kaw gayed hu Dios ha tumutuu ta daw malibri kaw duun hu pagkaulipen hu Kasuguan. Ba kinahanglan ha harì nuy buhaten sa kalibriyanan nuy ha balibaran hu pagtuman hu makasasalà ha kinaiya nuy, ba pinaagi hu pagpinalanggaay magbinuligà kaw gayed.

1 Timoteo 2:11

Kinahanglan daan sa mga bahi magpaliliman gayed daw magmatinumanen hu agalen dan.

1 Corinto 16:16

Aman aghangyuen ku gayed inyu ha magmatinumanen kaw kandan daw hu bisan sin-u ha tagbulig daan duun hu buluhaten hu Dios.

1 Pedro 2:13

Magmatinumanen kaw gayed hu alan ha mga panggubirnuhan ta daw harì matameyes sa ngaran hu Ginuu. Tumanen nuy sa sugù hu harì

2 Corinto 7:1

Pinalanggà ku ha mga suled, tumenged taini ha insaad kanuy hu Dios, limpyuwan taw sa kaugalingen taw daw bisan sa henà-henà taw ta daw mahimpit kuy gayed pinaagi hu pagtahud taw hu Dios.

2 Corinto 5:11

Tumenged ta natun-an day ha pinakahaluhaldek gayed sa paghukum hu Ginuu agkabigen day sa mga etaw. Natun-an en hu Dios ha maayad sa katuyuan day daw agkabayaan ku ha matun-an nuy daan.