Efeso 4:31 - Lalang Hu Dios

³¹ Endai nuy sa pagdumut, sa kapauk daw sa pagsawalà, sa pagpandaet hu dengeg daw sa alan ha madaet ha henà-henà nuy duun hu bisan sin-u.

Efeso 4:31 Referans Kwoze

Colosas 3:8

Ba iman kinahanglan ha endaan nuy en sa alan ha mga madaet iling hu kapauk daw hu henà-henà ha madaet duun hu duma ha etaw, sa pagpandaet hu dengeg daw sa mga malaw-ay ha pag-ikagi.

1 Pedro 2:1

Aman endai nuy sa alan ha madaet ha henà-henà duun hu duma daw sa pagbiduay, sa pagpasibù-sibù daw sa kasina daw sa alan ha pakadaet hu dengeg.

Santiago 1:19

Pinalanggà ku ha mga suled, henhenaa nuy haini ha sa kada sabuwa inyu kinahanglan ha magpanday magpaliliman daw harì maal en mag-ikagiyà daw harì daan madalì mapauk

Colosas 3:19

Sinyu sa mga igmaama, palanggaa nuy gayed sa mga igbahi nuy daw harì sidan agsabaa.

Santiago 3:14

Ba sa etaw ku amin din kasina daw agapan hu pag-uswag kinahanglan ha harì din ipagalbu su katatau din ta supak haena hu kamatuuran.

Efeso 4:26

Ku mapauk kaw andama nuy ha harì kaw makasalà tumenged taena. Harì en agpadalemani sa kapauk nuy

1 Juan 3:12

Harì nuy ag-ilingi si Cain sa sakup hi Satanas ta hinimatayan din su manghud din. Sa inhimatayi din ku manghud din iyan sa migbuhat haena hu matareng na sa ki Cain madaet gayed.

Santiago 4:11

Mga suled, harì kaw magpadaet-daetà hu dengeg ta sa tagtameyes daw sa taghukum hu duma din iling dà ha tagtameyes daw taghukum hu Kasuguan. Ba ku taghukuman nuy sa Kasuguan nasupak nuy haena daw hurà nuy en daan katahuri.

Tito 1:7

Tumenged ta saini sinaligan duun hu buluhaten hu Dios kinahanglan hurà ikasaway kandin. Harì tagpalabaw-labaw daw kenà madalì mapauk, kenà daan palainum hu binu, kenà mapasipalahen daw harì tag-agpas ha magsapian.

1 Timoteo 3:11

Iling daan sa mga igbahi hu mga diyakunu kinahanglan ha angayan sidan tahuran daw harì tagpandaet hu dengeg, ba magpugung sidan hu kaugalingen dan daw agkasaligan gayed hu bisan inu.

2 Corinto 12:20

Agkasamuk a ha ku makadiyan a maahà ku sa pamatasan nuy ha harì ku agkabayaan dayun maikagi ku daan sa agtambagan nuy. Ta amin diyan ta inyu tagsawalà daw masinahen, madalì mapauk daw agapan hu pag-uswag, tagpandaet hu dengeg daw tangituk, galbuwen daw tag-uwit hu kagubut.

1 Corinto 14:20

Mga suled, harì kaw tagbinatà hu henà-henà nuy. Ilingan nuy sa batà ha harì agpakatuen tagbuhat hu madaet daw ipagulang nuy sa mga henà-henà nuy.

1 Timoteo 5:13

Daw kenà iyan dà haena ta mabuhat sidan ha pugulen daw sigi dà magpanumbalayà, magpangitukà daw maglabet-labet duun hu duma na maikagi dan sa kenà maayad ha ag-ikagiyen.

Galacia 5:20

tagsimba hu mga diyus-diyus daw tagpamarang, tagdumut daw pakigsabà, agkasina daw tagkapaukà, agapan hu pag-uswag daw agpakabengkag hu mga tumutuu,

1 Corinto 5:8

Aman magsaulug kuy iman kenà pinaagi hu daan ha supas ha amin duun igpatulin ha iyan sa pagkamakasasalà daw sa madaet ha henà-henà duun hu duma, ba pinaagi hu supas ha hurà din igpatulin ha iyan sa laus ha tuyù daw sa pagsunud hu kamatuuran.

Roma 3:14

ta pulus dà gayed pagpanungayaw daw masakit ha tagpalilimanan.

Impadayag 12:10

Dayun napaliman ku sa madaging ha lageng diyà ta langit ha tagyanaen, “Iman nakauma en sa katumanan hu kaluwasan. Impaahà en hu Dios sa pagkagamhanan din hu pagharì daw sa kagahem hu Misiyas sa pinilì din ha magharì, ta si Satanas sa sigi dà tagsumbung duun hu Dios hu mga suled taw duun hu pagtuu aldaw daw ku daleman inabug en diyà ta langit.

1 Juan 3:15

Bisan sin-u sa agpanguntra hu mga duma din inisip en hu Dios ha talamunù na natun-an nuy en ha sa talamunù hurà din gayed kinabuhì ha hurà din katapusan.

Tito 2:3

Tudlui daan sa mga laas ha bahi ha kinahanglan sa pamatasan dan matareng gayed. Harì sidan mandaet hu dengeg daw kenà palainum hu binu. Sa itudlù dan iyan sa maayad

2 Timoteo 2:23

Harì ka taglabet-labet duun hu mga pagsawalà ha binuang daw hurà din pulus ta natun-an nud ha saena duun pakapayanaen hu pagsabà.

1 Timoteo 3:3

kenà palainum hu binu, kenà mapasipalahen, kenà palasabà daw kenà din babayaen sa salapì. Ba kinahanglan ha maluluy-en

Mga Buhat 21:30

Duun taena nagubut sa banuwa ta Jerusalem daw nangaamul-amul sa mga etaw. Dayun ginuyud dan si Pablo diyà ta guwà taena ha Timplu daw sirahi haena.

2 Timoteo 3:3

kenà maluluy-en, kenà gayed mapinasayluwen, tagpandaet hu dengeg, harì pakapugung hu kaugalingen dan, madalì mapauk daw agtambagan dan sa maayad,

Efeso 4:22

Endai en sa daan ha kinaiya nuy ha nadaetan en tumenged ta nalimbungan kaw hu kabayà nuy,

Efeso 4:25

Aman endai en sa pagbidù ta kinahanglan ha sa pag-ikagi nuy duun hu duma na laus gayed.