Colosas 4:10 - Lalang Hu Dios

¹⁰ Agpangamusta inyu si Aristarco sa duma ku ha naprisu daw si Marcos sa ig-agaw hi Bernabe. Natun-an nuy en sa mga tugun day inyu aman ku makauma diyan si Marcos dawata nuy gayed.

Colosas 4:10 Referans Kwoze

Filemon 1:24

Daw agpangamusta daan ikaw si Marcos, si Aristarco, si Demas daw si Lucas ha iyan bulig ku duun hu buluhaten hu Dios.

2 Timoteo 4:11

Iyan dà iman dini ta kanak si Lucas. Aman dumaha nu dini si Marcos ta mapuslanen haena hu pagbulig kanak.

Mga Buhat 19:29

Aman amin kagubut ha nakalekep taena ha banuwa. Dayun migdengan sidan hu pagdakep ki Gayo daw ki Aristarco sa taga-Macedonia ha mga duma hi Pablo hu paghipanaw din daw pinangguyud dan sidan duun hu tigumanan.

Mga Buhat 27:2

Luminulan kay hu barku ha napuun ta Adramito payanaen hu mga banuwa ha sakup ta Asia. Duminuma daan kanay si Aristarco sa taga-Tesalonica ha sakup ta Macedonia.

Mga Buhat 20:4

Dayun duminuma kandin si Sopater ha taga-Berea sa batà hi Piro, si Aristarco daw si Segundo sa mga taga-Tesalonica, si Gayo ha taga-Derbe daw si Timoteo, si Tiquico daw si Trofimo sa mga taga-Asia.

Mga Buhat 12:12

Aman duminayun haena diyà ta balay hi Maria sa inay hi Juan ha tagngaranan daan ki Marcos ha duun mig-amul-amul sa madakel ha mga tumutuu hu pag-ampù.

1 Pedro 5:13

Agpangamusta inyu sa mga tumutuu dini ta Babilonia ha pinilì daan hu Dios, daw agpangamusta daan inyu si Marcos sa batà ku duun hu pagtuu.

Roma 16:7

Ipangamusta a ki Andronico daw ki Junias sa kadumahan ku ha mga Judio ha naprisu daan su anay duma kanak. Tinahud sidan hu mga apustulis daw iyan daan sidan nauna dì kanak ha nakatuu ki Cristo.

Roma 16:2

Dawata nuy haini tumenged hu pagtuu din duun hu Ginuu ta iyan haini angayan ha buhaten hu mga tumutuu, daw buligan nuy hu bisan inu ha mga kinahanglanen din ta nakabulig haini kanak daw hu duma ha mga etaw.

Mga Buhat 13:13

Si Pablo daw sa mga duma din uminawà diyà ta Papos daw lulan hu barku payanaen ta Perga ha sakup ta Pamfilia. Su makauma sidan diyà inawaan sidan hi Juan Marcos ta uminulì en haena diyà ta Jerusalem.

Mga Buhat 4:36

Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.

Mga Buhat 12:25

Su mapengahan hi Bernabe daw hi Saulo sa buluhaten dan diyà ta Jerusalem luminikù sidan diyà ta Antiokia daw dinuma dan si Juan ha tagngaranan daan ki Marcos.

Filemon 1:23

Agpangamusta ikaw si Epafras sa duma ku ha naprisu daan tumenged hu pagtuu din ki Cristo Jesus.