Colosas 3:10 - Lalang Hu Dios

¹⁰ daw nabuhat kaw en ha bag-u ha etaw na sa kinaiya nuy sigi dà mag-iseg ha mailing hu Dios daw mag-iseg daan sa pagpakatuen nuy mahitenged kandin.

Colosas 3:10 Referans Kwoze

Roma 12:2

Harì nuy ag-ilingi sa kinaiya ha kalibutanen ba ilisan nuy sa pamatasan nuy pinaagi hu pagbag-u hu henà-henà nuy. Dayun masusi nuy ku inu sa pagbayà hu Dios ta saena iyan himpit daw maayad ha makapabayà-bayà kandin.

Efeso 2:10

Pinaagi hu pagpakigsabuwa taw ki Cristo Jesus binag-u kuy kandin ta daw mabuhat taw sa mga maayad sumalà hu daan en ha katuyuan hu Dios para kanuy.

Colosas 3:12

Tumenged ta pinilì kaw hu Dios ha mga etaw daw mga pinalanggà din kinahanglan ha magmahid-uwen daw magpaubus kaw, magmaluluy-en daw magagawon, magpailub kaw.

2 Corinto 5:17

Aman sa etaw ha nakigsabuwa ki Cristo bag-u en ha etaw ta sa daan ha pamatasan din nailisan en hu bag-u.

Colosas 3:14

Labaw hu alan magpinalanggaay kaw ta pinaagi taini makagsabuwa kaw gayed.

1 Juan 2:5

Ba bisan sin-u sa magtuman hu lalang din mahimpit gayed sa pagpalanggà kandin. Iyan haini timaan ha nakigsabuwa kuy gayed hu Dios

Roma 13:14

Ba ilingan taw si Cristo Jesus ha Ginuu daw harì taw en paghenhenaen sa pagtuman hu agkabayaan hu makasasalà ha kinaiya taw.

1 Juan 2:3

Sa timaan ha agkakilala taw sa Dios iyan sa pagtuman taw hu mga sugù din.

Roma 8:29

Sugud dà su anay natun-an en hu Dios haena sa agtuu daw daan din en nahenà-henà ha mailing sidan hu Batà din sa binuhat daan ha magulang hu alan ha mga tumutuu.

Juan 17:3

Iyan haini paagi ha madawat dan sa kinabuhì ha hurà din katapusan, sa pagkilala dan ikaw sa laus daw sabubuwa dà ha Dios daw sa pagkilala dan daan kanak ha iyan a si Cristo Jesus sa sinugù nu.

Impadayag 21:5

Dayun minikagi haena sa tagpinuu duun ku trunu, “Iman bag-uwen kud en sa alan.” Daw inikagiyan a daan kandin, “Isulat nu haini sa agkapaliman nu ta saini kamatuuran daw kasaligan gayed.

Efeso 2:15

Pinaagi hu kamatayen din naawà sa kagahem hu mga tulumanen hu Kasuguan ta daw makagsabuwa sa alan ha mga etaw tumenged hu pagpakigsabuwa dan kandin. Pinaagi taena malinawen en sa pagdapità taw alan.

Galacia 6:15

Sa pagpasirkunsida daw ku harì hurà din pulus ta sa mahinengdanen gayed iyan sa nabag-u kuy en ha etaw.

2 Corinto 4:6

Su tanghagaen hu Dios sa alan minikagi haena, “Humiwal sa kapawà duun hu kasukileman.” Iyan haena nakailaw hu henà-henà taw ta daw matun-an taw sa pagkagamhanan din ha impadayag din pinaagi ki Cristo.

2 Corinto 3:18

Sikuy sa mga tumutuu hurà katambuni sa henà-henà taw aman agkasabut taw sa pagkagamhanan hu Ginuu, daw pinaagi hu Ginuu ha iyan sa Balaan ha Ispiritu nabalhin kuy en daw tag-iseg sa pagkailing taw kandin.

Roma 13:12

Iling hu daleman ha iman agkawaswas en daw sa aldaw madani en agsibwal. Aman endaan taw sa mga buhat taw duun hu kasukileman daw ibalabad taw sa hinagiban hu kapawà.

Galacia 3:27

Nabautismuwan kaw ha iyan timaan ha sumusunud kaw ki Cristo aman sa kinaiya nuy iman iling gayed kandin.

2 Corinto 4:16

Aman madasigen kay gayed iman. Bisan ku tagluya en sa lawa day ba aldaw-aldaw tag-iseg sa pagtuu day.

Filemon 1:6

Iyan iman tig-ampù ku ha maniguru ka hu pagpanunultul hu pagtuu nu ta daw masabut taw gayed sa alan ha mga panalangin tumenged hu pagpakigsabuwa taw diyà ki Cristo.