Colosas 2:22 - Lalang Hu Dios

²² Saena hurà din gayed pulus ta agkahanaw dà daw duun dà napuun hu balaud daw katudluanan hu etaw.

Colosas 2:22 Referans Kwoze

Tito 1:14

daw harì en sidan magpaliliman hu bidù ha mga tultulanen hu gin-apuan dan ha Judio daw isalikway sa kasuguan hu mga etaw ha hurà dawat hu kamatuuran.

1 Corinto 6:13

Laus gayed ha sa kalan-enen intagana para hu etaw daw sa etaw tinaganahan hu kalan-enen, ba saini alan agtapusen dà hu Dios. Sa lawa hurà itagana hu malaw-ay ha buhat ba intagana haena hu agkabayaan hu Ginuu, daw sa Ginuu iyan tag-alima hu etaw.

Juan 6:27

Harì nuy agsiguruwi sa kalan-enen ha sagunà dà agkadaet ba maniguru kaw ta daw matimù nuy sa kalan-enen ha makaila hu kinabuhì ha hurà din katapusan. Siak sa Batà hu Etaw iyan a inilahan hu Dios ha Amay ku hu gahem ha makaila taena inyu.”

Impadayag 17:18

Su bahi ha naahà nu iyan su bantugan ha banuwa ha tagharì hu alan ha mga harì dini ta kalibutan.”

Colosas 2:21

ha tagyanaen, “Harì kaw taini agkaen daw bisan ganì sa kaibiti duun.”

2 Pedro 2:12

Ba saini ha mga etawa tagtameyesen dan sa bisan inu ha harì dan agkasabut. Agkailing sidan hu mga mananap ha hurà dan kagayhà ba sa agkapangkusan taena iyan sa dakepen daw iyawen sidan. Iling daan sa agkapangkusan taini ha mga etawa ta hukuman sidan hu silut hu hurà din katapusan.