2 Timoteo 4:16 - Lalang Hu Dios

¹⁶ Su anay ha mangatubang a duun hu hukmanan hurà gayed luminaban ta alan en sidan uminawà dini ta kanak. Ba in-ampù ku duun hu Dios ha pasayluwen din sidan.

2 Timoteo 4:16 Referans Kwoze

Mga Buhat 7:60

Dayun luminuhud daw minikagi hu madaging, “Ginuu, harì nu ag-isipa ha salà dan haini.” Su maikagi din en haena minatay dayun.

Juan 16:32

Madani en sa panahun ha makagsusuwayà kaw ta ag-awaan a inyu daw kada sabuwa inyu umulì duun hu kandin ha balay. Bisan pa taena amin ku gihapun duma ha iyan sa Dios ha Amay ku.

Marcos 14:50

Dayun inawaan si Jesus hu mga tinun-an din ta nangakapulaguy sidan.

1 Pedro 3:15

ba tahuren nuy gayed si Cristo ha Ginuu nuy. Sigi kaw managana hu igtubag nuy ku amin manginginsà inyu mahitenged hu pagsalig nuy duun hu Dios.

2 Timoteo 4:10

Ta inawaan a hi Demas tumenged ta babayaen taena sa kalibutanen ha mga butang aman duminiyà en ta Tesalonica. Si Crescente duminiyà ta prubinsya ta Galacia daw si Tito duminiyà daan ta Dalmacia.

2 Timoteo 1:15

Natun-an nud ha sa alan ha mga tumutuu dini ha nangapuun ta prubinsya ta Asia uminawà en dini ta kanak bisan si Figelo daw si Hermogenes.

Filipos 1:17

Ba sa katuyuan taena ha tagpalabaw-labaw kenà laus ta agapan sidan hu pag-uswag daw sa henà-henà dan ha saena makaisab hu pag-antus ku dini ta prisuhan.

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

2 Corinto 7:11

Henhenaa nuy ku inu sa binuhat inyu hu Dios pinaagi hu kaguul nuy ta nadasig kaw hu pagbuhat hu maayad. Iman impaahà nuy gayed ha hurà inyu makasaway, tinambagan nuy en su binuhat hu nakasalà daw agkahaldek kaw iman ku makalagkes kaw duun. Agkabulung kaw daan kanak daw agkabayaan nuy gayed agbuhata sa insugù ku inyu daw pigsilutan nuy haena sa etaw ha nakasalà. Pinaagi taena impaahà nuy iman ha hurà nuy gayed labet hu mga salà din.

1 Corinto 9:3

Ku amin tagpanginginsà kanak iyan haini tubag ku.

Mga Buhat 25:16

Ba inikagiyan ku sidan ha sikuy sa mga sakup ta Roma kenà taw batasan ha hukuman taw sa etaw ku harì pa makapangatubang taena ha migsumbung kandin ta daw makapangatarengan.

Mga Buhat 22:1

“Mga suled ku daw sinyu sa mga magulang, palilimani nuy haini sa katarengan ku.”

Lucas 12:11

“Ku uwiten kaw duun hu mga simbahan ta aghukuman kaw kandan daw ipaatubang kaw kandan duun hu mga agalen, harì kaw agkasamuk ku in-inuwen pagpangatarengan daw ku inu sa ipanubag nuy

1 Corinto 13:5

daw kenà madaet sa batasan din, kenà daan matinumanen hu kaugalingen din daw harì laus agkapauk, harì daan tagdumut.

2 Timoteo 4:15

Bantayi nu haena ta sinupak din gayed sa mga intudlù ta.