2 Timoteo 4:1 - Lalang Hu Dios

¹ Duun hu atubangan hu Dios daw hi Cristo Jesus ha iyan maghukum hu mga minatay en daw mga bubuhay pa daw tumenged ta aglikù si Jesus hu pagharì, ikagiyen ku ikaw

2 Timoteo 4:1 Referans Kwoze

Mga Buhat 10:42

Daw sinugù kay kandin ha sangyawan day sa mga etaw ha si Jesus iyan gayed pinilì hu Dios ha Maghuhukum hu kaet-etawan sa mga bubuhay daw sa mga minatay en.

2 Timoteo 4:8

Aman intagana en sa bales ha ig-ila kanak hu Ginuu sa matareng ha Maghuhukum duun asem taena ha aldaw tumenged hu mga matareng ha binuhat ku. Daw kenà a iyan dà makadawat taena ta lagkes en daan sa alan ha tagsalap hu paglikù din.

1 Timoteo 5:21

Duun hu atubangan hu Dios daw hi Cristo Jesus daw hu mga pinilì ha balinsuguen din ikagiyen ku ha buhaten haini sa insugù ku ikaw ha hurà duun pagpalabi hu mga duma nu.

2 Timoteo 2:14

Saini ha inikagi ku ikaw sigi nu gayed ikagiyen duun hu mga etaw. Ikagiyi daan sidan ha harì makigsawalà mahitenged hu mga lalang ta saena hurà din pulus daw pakadaet hu tagpaliliman. Iyan gayed sa Dios tistigus ku ikagiyen nu haena.

Mateo 16:27

Siak sa Batà hu Etaw aglikù a dà dini ku malugay duma hu mga balinsuguen hu Dios daw magpangaluanlag a iling hu Dios ha Amay ku. Duun asem taena balesan din sa kada sabuwa sumalà hu mga binuhat dan.

Tito 2:13

Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

1 Pedro 5:4

Ku lumikù si Cristo Jesus sa labaw ha magbalantay balesan kaw kandin ta makaambit kaw hu harì en gayed agkahanaw ha pagkagamhanan din.

1 Juan 2:28

Iman pinalanggà ku ha mga batà, harì kaw gayed sumuway ki Cristo Jesus ta daw harì kaw mahaldek daw magayhaan ku lumikù haena dini.

1 Pedro 4:5

Ba saini sidan manubag gayed duun hu Dios ha andam en hu paghukum taena ha mga bubuhay daw hu mga minatay en.

1 Pedro 1:7

Sa katuyuan taini ha mga pagsulay iyan sa pagsusi ku laus ba gayed sa pagtuu nuy. Iling hu bulawan ha agkadaetan dà ba saena limpyuwan gihapun pinaagi hu hapuy. Ba sa pagtuu nuy labaw pa dì hu bulawan. Ku makaantus kaw taena ha pagsulay dayeen kaw gayed daw tahuran kaw asem ku lumikù si Cristo Jesus.

2 Tesalonica 2:8

Duun asem taena humiwal haena hu mababà ha panahun ta ku lumikù si Jesus ha Ginuu, pinaagi hu pagkagamhanan din daegen din haena daw silutan gayed.

Roma 2:16

Ku makauma sa aldaw ha hukuman hu Dios sa kaet-etawan agsusiyen hi Cristo Jesus sa alan bisan sa nakaheles ha henà-henà hu etaw. Iyan haini tigtudlù ku ha Maayad ha Tultulanen.

Mga Buhat 17:31

ta natugun din en sa aldaw ha sa kaet-etawan hukuman taena ha pinilì din pinaagi hu matareng ha paghukum. Saini namatud-an gayed ha laus pinaagi hu pagbanhaw din taena.”

2 Pedro 1:11

ba adagi sa kalipay nuy ku ipaseled kaw en kandin duun hu tagharian hi Cristo Jesus sa Ginuu daw Manluluwas taw.

Lucas 23:42

Dayun inikagiyan din si Jesus, “Ginuu, henhenaa a ikaw asem ku magharì ka.”

Lucas 19:15

“Ba bisan pa taena su etaw nailahan gayed hu gahem hu pagkaharì dayun uminulì. “Su makaulì en haena impaatubang din sa pigpan-ilahan din hu salapì ta daw masusi din ku pila en sa ganansiya.

Lucas 19:12

Minikagi si Jesus, “Amin harianen ha etaw ha duminuun hu madiyù ha banuwa ta daw mailahan diyà hu gahem hu pagkaharì.

Impadayag 1:7

Timan-i nuy ha ku lumikù si Jesus diyà tayà ha gabunan maahà gayed hu alan-alan bisan haena sa migdughang kandin su anay. Duun asem taena maglugul gayed sa alan ha kaet-etawan dini ta kalibutan tumenged kandin. Matuman gayed haena.

2 Pedro 1:17

su dayeen hu Dios ha Amay din ha tagyanaen, “Iyan haini pinalanggà ku ha Batà ha tigkabayà-bayà ku.”

Colosas 3:4

Ku magpadayag asem si Cristo ha iyan kinabuhì nuy magpangaluanlag kaw daan duma kandin.

2 Timoteo 1:10

Iman impadayag din en haena pinaagi hu pagdini hi Cristo Jesus ha Manluluwas taw. Si Jesus nadaeg din en sa gahem hu kamatayen daw pinaagi hu Maayad ha Tultulanen natun-an ta ha amin tad en kinabuhì ha hurà din katapusan.

2 Timoteo 4:18

Aman bisan inu sa maul-ulahan ku ba sa Dios iyan taglibri kanak hangtud ha uwiten a kandin duun hu tagharian din diyà ta langit. Dayeen gayed sa Dios hu hinangturan.