2 Timoteo 1:15 - Lalang Hu Dios

¹⁵ Natun-an nud ha sa alan ha mga tumutuu dini ha nangapuun ta prubinsya ta Asia uminawà en dini ta kanak bisan si Figelo daw si Hermogenes.

2 Timoteo 1:15 Referans Kwoze

2 Timoteo 4:16

Su anay ha mangatubang a duun hu hukmanan hurà gayed luminaban ta alan en sidan uminawà dini ta kanak. Ba in-ampù ku duun hu Dios ha pasayluwen din sidan.

Filipos 2:21

ta sa duma ha mga etaw iyan dan dà taghenhenaen sa makapaayad kandan dì hu agkabayaan hi Cristo Jesus.

Mga Buhat 19:10

Iyan haena binuhat dan duun hu daruwa ha tuig. Aman pinaagi taena sa lalang hu Dios napaliman hu alan ha mga etaw ha tagtimà ta prubinsya ta Asia sa mga Judio daw sa kenà.

1 Corinto 16:19

Agpangamusta inyu sa mga punduk hu tagkaamul-amul ha mga tumutuu dini ta prubinsya ta Asia. Agpangamusta daan inyu si Aquila daw si Priscila duma hu alan ha mga tumutuu ha tag-amul-amul duun hu balay dan.

Mga Buhat 19:27

Aman pinaagi taini tameyesen dan gayed sa patigayun taw. Maikagi dan daan ha hurà en pulus taini ha simbahan hi Artemis sa diyus taw ha iyan sinimba hu kaet-etawan dini ta Asia daw duun hu bisan hindu daw maawà daan sa pagkabantugan din.”

Mga Buhat 16:6

Tumenged ta binaldeng say Pablo hu Balaan ha Ispiritu hu pagpanunultul hu lalang hu Dios diyà ta prubinsya ta Asia, duun sidan nakaagi hu mga banuwa ha sakup ta Frigia daw Galacia.

Mga Buhat 20:16

ta sa henà-henà hi Pablo ha baklayen day en sa Efeso ta daw harì kay mayawat diyà ta Asia. Ta ag-agpas si Pablo diyà ta Jerusalem ku mabaluy ha harì pa matuman sa Aldaw hu Pentecostes.

Mga Buhat 19:31

Amin din daan mga amigu ha upisyal diyà ta Asia ha migpasugù diyà ta kandin hu paghangyù ha harì dumuun ku tigumanan.

Mga Buhat 2:9

Sa duma kanuy mga taga-Partia, mga taga-Media daw mga taga-Elam. Sa duma mga taga-Mesopotamia, mga taga-Judea daw mga taga-Capadocia, mga taga-Ponto daw mga taga-Asia.